«غصب عن أي حد».. تعليق ناري لحازم إمام على استبعاد إمام عاشور من المنتخب

علق حازم إمام، نجم نادي الزمالك السابق، على استبعاد إمام عاشور، لاعب خط وسط الفريق الأول لكرة القدم بالنادي الأهلي من معسكر منتخب مصر الأخير.

وقال حازم إمام، في تصريحات تلفزيونية عبر فضائية «أون تايم سبورتس2»: «إمام عاشور، صغير مش ممكن هنستبعده طول العمر من المنتخب، ولو إمام لعب كويس غصب عن أي حد لازم هينضم للمنتخب بمستواه».

وأضاف: «لعب التصفيات حاجة ولعب بطولة أمم أفريقيا حاجة تانية خالص مع احترامي الشديد أي حد يلعب التصفيات لكن بطولة أفريقيا أحنا معندناش لعيبة كتير تلعب فيها، إمام واحد من اللعيبة اللي يقدر يلعب البطولات دي».

وتابع: «7 لاعبين يقدروا يلعبوا بالبطولات دي، ودي مشكلة حسيتها في بطولة أمم أفريقيا اللي فاتت، للأسف معندناش لعيبة كتير تقدر تلعب بطولة أمم أفريقيا ومجابهة المنتخب الأفريقية من حيث السرعات والقوة».