إمام عاشور: من أول ما دخلت الأهلي باخد بطولات.. واحدة تروح هاتيجي 100

حرص إمام عاشور لاعب النادي الأهلي على الحديث بعد الفوز على العين الإماراتي، في المباراة التي أقيمت مساء اليوم على ستاد القاهرة الدولي.

وقال إمام عاشور في تصريحات تليفزيونية: من أول ما دخلت الأهلي باخد بطولات، وبشكر اللاعيبة وبشكر الجمهور اللي دعمنا، وبقولهم ألف مبروك، ومهما اتكلمت عن جمهور الأهلي مش هديله حقه، وفيه رعب في الملعب للمنافسين من الجمهور، وإن شاء الله مزيدا من البطولات للأهلي.

وأكمل إمام عاشور: طالما حطيت رجلي في الأهلي هاخد بطولات، بطولة هاتروح هاتيجي قدامها 100 بطولة، والنادي الأهلي معروف في العالم كله مش إفريقيا بس، ومفيش حاجة صعبة على الأهلي وقادرين نفوز بالبطولة دي.

وعن كهربا، قال إمام عاشور: كهربا ده أخويا الكبير، وهو لاعب كبير أوي ومفيش حد مش بيغلط ووجوده معانا دافع لينا كلنا، ووعدنا كهربا بالفوز بالسوبر المصري، واللاعيبة كلها إخوات سواء جوه الملعب أو بره الملعب.

وأتم إمام عاشور تصريحاته قائلا: أنا إنسان بارد مش بركز في السوشيال ميديا خالص، وأي حد بينتقدني مش بيأثر فيا بالعكس بيبقى دافع ليا أظهر بشكل أفضل.