نجم الأهلي السابق: «أفشة أحسن من رونالدو وعضلته مقوية قلبه»

تغنى الأعلامي إبراهيم سعيد، بنجم النادي الأهلي محمد مجدي أفشة، بعد أداءه في مباراة السوبر المصري، أمام الزمالك، وتسجيله ركلة الترجيح بنجاح.

وحقق النادي الأهلي بطولة السوبر المصري للمرة الـ15 في تاريخه والرابعة على التوالي، بعد فوزه ليلة الخميس على نادي الزمالك بركلات الترجيح 7-6 بعد أن انتهى الوقت الأصلي والإضافي 0-0.

وقال إبراهيم سعيد في تصريحات تليفزيونية عبر شاشة «النهار»: «عايز أهنىء أفشة على أداءه في مباراة السوبر المصري، مع أنه شارك في وقت قليل جدًا ولكن كان مؤثر، تحسه أنه راجل بركة كدة».

وأضاف سعيد مازحًا: «أفشة عمل احتفال كريستيانو رونالدو الشهير، أنت أجمد منه، والعضلة مقوية قلبك، والحركة اللي عملها كان الفرق بينهم في الطول بس، بس كأمكانيات أقوى من أقوى من رونالدو».

وأكمل: «أفشة من الشخصيات المحبة للنادي، وبيشتغل لصالح الفرقة حتى لو لعب ربع ساعة، بيقاتل وبيموت نفسه وعايز يكسب فرقته عشان كدة ربنا بيوفقه، طول مانت بتساعد فرقتك، وبتساند زمايلك ربنا هيقف معاك».

وأتم إبراهيم سعيد تصريحاته قائلًا: «رغم الظروف اللي بتحصل معاه الفترة الأخيرة أنه مش بيشارك بصورة أساسية، وأنه عايز يلعب ويشارك في وقت أكبر بس الراجل بيجتهد، حتى ركلة الترجيح دخل سدد وهو عنده ثقة في نفسه».