دياب: الصلاة مش بتعطل التصوير والعطلة بتيجي من شعر فنانة

علق الفنان دياب، على ما تم تداوله من حديث سابق للفنانة إلهام شاهين عن فصل أوقات الصلاة عن أوقات التصوير.

وقال خلال لقاء له ببرنامج ميرور، " إيه المشكلة بتحصل كتير، مثلا السنة دي كنت بصور مع المخرج عمرو عرفة وقت الصلاة بنقف 5 دقايق نصلي ونرجع نكمل تصوير".

وأضاف،" ساعات التصوير بيعطل ساعة ونص عشان فنانة جايه متأخر أو بتعمل شعرها أو المكيب أب مش عاجبها، بنقعد عطلانين 3 أو 4 ساعات دي أهم ولا الصلاة؟ الموضوع بسيط يعني مش محتاج، ساعات بنعطل على دلع كتير ميتحطش في الكفة مع الصلاة".

واستكمل:"اللي عايز يصلي يصلي إيه المشكلة يعني الـ5 دقايق بتوع الصلاة خلاص اليوم هيبوظ، مش هيبوظ وكل واحد ليه وجهة نظر ودي وجهة نظري إحنا مش شغالين شغلانة بنعطل مصالح المواطنين".

واستطرد:" "إحنا ساعات بنقف عشان فنان بيعدل هدومه أو فنانة بتعدل شعرها والله ممكن نقعد ساعتين، أنا مش شايف إن فيه إشكالية".