أميرة أديب: الناس بتقول أكيد أبوها بيديها مليون جنيه أنا مش شايفة إن دة أصلًا غلط

تحدثت الفنانه أميرة أديب خلال ظهورها مع إسعاد يونس ببرنامج "صاحبة السعادة": "أهلي ربوني انني اعتمد على نفسي، أول مرة سافرت لوحدي كان عندي 12 سنة معرفش ازاي. من وانا صغيرة بيقولولي انتي هتدرسي برا فهاتي درجات كويسة، دي حاجة كنت عارفة انها هتحصل، وعارفة ان انا هتكيف مع أي مكان".

واضافت أميرة أديب: "رحت أمريكا فرشت البيت وعيشت مع 8. محستش بأي حاجة غريبة وكنت جاهزة جدًا إنني أعيش لوحدي. أهلي برضه من واحنا صغيرين مربييني انني أول ما أطلع بطاقة يبقى هشتغل، ودة معناه إن لو عزت أي رفاهية لازم أصرف عليها. فابتديت أعلم جومباز ورقص في الحضانة. ابتديت اعمل كدة عشان أحوش واسافر. أمي كانت بتحاول تعودني أبقى مستفلة، ماما قالت عايزة موبايل أو جيتار أي حاجة غير اساسيات الحياة، هتجيبيها لنفسك".

واختتمت أميرة أديب: "الناس كلها من برة بتقول أكيد أبوها بيديها مليون جنيه في الساعة أو أي حاجة عايزاها بيجيبهالها، وأنا مش عارفة دة إيه. أنا مش شايفة إن دة أصلًا غلط، يارب في يوم من الأيام أقدر أدي لعيالي أي حاجة هما عايزينها. الناس بتحسسني إنها حاجة وحشة إن أنا عندي ضهر.