منة شلبى: لو اتقدملى واحد شبه أبويا هتردد لأنه مزواج بس بشكر أمى إنها اخترته

كشفت النجمة منة شلبي عن المواصفات التي تتمنى توافرها في شريك حياتها، خلال حلولها ضيفة على برنامج "بيت السعد" الذي يقدمه النجمين عمرو سعد وأحمد سعد.

قالت منة شلبي: أنا ممكن أقول أنا مش عايزة إيه، مش عايزة حد دمه تقيل، دي مستحيلة، دي مقدرش، لو إيه مقدرش، مدعي، يا ساتر يارب، بوشين دي بقى اللي صعبة شوية، اللي هقولها دي صعبة خالص، مش بتاع ستات، ليرد عليها عمرو سعد ممازحا: مش أحمد يعني.

وتابعت منة شلبي: أنا بحب أبويا جدا وفي عيد ميلاده كتبتله أنا بشكر ربنا وبشكر ماما أنها اختارتك وبقيت أبويا لأنه أنت عمرك ما ضغطت عليا وطول عمرك شخص محترم وأصيل، ولو اتقدملي واحد شبه أبويا هتردد سيكا عشان بابا كان مزواج.

من ناحية أخرى، تنتظر منة شلبي عرض فيلمها الجديد " الهوى سلطان"، ويشارك في بطولته أحمد داود وجيهان الشماشرجي، والذي انتهى تصويره منذ فترة، ومن المقرر تحديد الموعد النهائي لعرضه قريبًا، وينتمي إلى نوعية الأعمال الاجتماعية الرومانسية.