حسن شاكوش: هاين عليا أطلع أبويا من التربة يعيش معايا

اعترف الفنان حسن شاكوش بأن وفاة والده كانت من أكبر الصعوبات والصدمات التي تعرض لها، خاصة وأنه حضر اللحظات الأخيرة من حياته.

وقال حسن شاكوش خلال لقائه مع الإعلامي عبد العزيز أحمد في برنامج "بالمايك والقلم": "أبويا مات على إيدي في المستشفى، والحاجة اللي دايما أؤنب نفسي عليها إن أبويا مش موجود معانا دلوقتي وأنا أعتبر في عزي".

وأضاف: "هو متوفي من 15 سنة، لكن بكلمه وبروح له الترب، وبيبقى هاين عليا أدخل التربة أطلعه يبقى موجود في وسطنا حتى لو ميت، ووفاته هي الحاجة اللي قطمت ظهري".

تحدث حسن شاكوش خلال اللقاء عن تعرضه للعديد من أنواع الظلم خلال مسيرته قائلا: "أنا ربنا عوض عليا علشان اتظلمت، أنا من منطقة شعبية من بولاق الدكرور، والمنطقة دي اللي معهوش شغلانة ومتعلم كويس بيمشي غلط، لكن أنا الحمد لله حافظت على نفسي، وعمري ما شربت سيجارة ولا شيشة".