شرين عبدالوهاب: هيفاء وهبى أكتر واحدة دعمتنى فى أزمتى الأخيرة.. وبموقفها ده اشترتنى طول العمر

أعربت الفنانة شيرين عبد الوهاب، عن امتنانها للفنانة اللبنانية هيفاء وهبي، لدعمها في في أزمتها الأخيرة.

وكتب الفنانة شيرين عبد الوهاب منشورا، من خلال حسابها الخاص على إنستجرام، قائلة: هيفاء وهبي أكتر واحدة كانت بتكلمني في أزمتي الأخيرة، وكانت بتقولي تعالي اقعدي معايا.

وقالت شيرين: ‏أنا رديت على النجمة هيفاء وهبي مش عشان باركتلي على الأغاني، النجمة هيفاء وهبي عملت معايا مواقف جدعة أقرب الناس ليا ماعملتهاش علشان نفسيتي تبقى أحسن، كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني.

وأضافت: هيفاء أثبتت إن الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللى شفتها فى الوسط الفني هيفاء بموقفها ده اشترتني طول عمري، وهفضل لحد ما أموت ممتنة ليها ولوقفتها معايا في الوقت ده الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى إني ليا أخت فعلا شكرا يا هيفا يا حبيبتي، ويا ريت يا ريت فى مصر لو في مشاكل أنا بناشد أي حد إن الست دي طيبة جدا جدا، ومتستاهلش إلا كل خير.