ماندو العدل يعلن تأجيل ”الملحد” لأجل غير مسمى

أعلن المخرج ماندو العدل عن تأجيل فيلم "الملحد" لأجل غير مسمى، مؤكدا أن الرقابة على المصنفات الفنية هي السبب في ذلك.

وقال محمد العدل، عبر حسابه بموقع التواصل الاجتماعي، فيسبوك:" عتذر لكل اصدقائي اللي عزمتهم علي العرض الخاص لفيلم الملحد .. العرض مش هيتعمل في ميعاده.. و الفيلم مش هينزل في ميعاده .. و الحقيقة معرفش ليه … الاجابة عند السيد الرقيب علي المصنفات الفنية" .

واستكمل:" الفيلم جاهز للعرض .. و انتهت جميع مراحله من مونتاج و مكساج و تصحيح الوان و الرقابه اديتله ترخيص بالعرض بعد شهور من المشاهدات .. بل وصل الامر اني نزلت صورت مشهد مضاف و المنتج احمد السبكي صرف كتير علي دعاية الفيلم في الشوارع بناءا علي هذا الترخيص ..و رجع شال الدعاية تاني للاسف و دي خسارة فادحة و ده ينفي تماما الهراء بتاع اصل الصناع بيعملوا دعاية رخيصة للفيلم".

واستعان محمد العدل بصورة للسيناريو بعد أن حصل على تصريحًا من الرقابة، التي كتبت عليه " الفيلم لا يشوه الدين الاسلامي قط بل يكشف الحجاب عن بعض الذين يفسرون الاسلام علي اهوائهم".

وكان أحمد السبكي قد أعلن عن تأجيل موعد طرح الفيلم: "مفيش منع خالص، الفيلم اتأجل أسبوعين بس عشان خاطر بنستكمل أعمال المكساج والمونتاج، وكل التصاريح الرقابية موجودة معايا، والفيلم متوافق عليه من الرقابة، مفيش مانع نهائي".