رسمياً.. نجم المقاولون العرب يعلن رحيله عن الفريق

كشف أحمد الشيمي نجم وسط نادي المقاولون العرب عن رحيله بشكل رسمي عن صفوف ذئاب الجبل خلال فترة الانتقالات الصيفية الجارية.

وكتب أحمد الشيمي عبر حسابه الرسمي على «إنستجرام»: «بعد 17 سنة مع نادي المقاولون قضيت فيها أحلى أيام حياتي، تم انتهاء تعاقدي مع الفريق، قضيت وقتا في النادي أكثر مما قضيته في بيتي».

وأضاف: «نادي المقاولون هو بيتي والناس اللي فيه هم أهلي، ماكنتش أتخيل أبدًا إن يوم ما أسيب النادي يبقى هو ده حال النادي، بس أنا عمري ما بخلت بنقطة عرق للنادي اللي هو السبب في اللي أنا فيه دلوقتي».

وتابع: «بإذن الله النادي هيرجع أقوى وأحسن من الأول نادي المقاولون من أحسن الأندية في مصر وهيفضل طول عمره من أحسن الأندية في مصر».

وأنهى: «لنا عودة، لمجرد التصحيح لبعض المعلقين في الماتشات بيقولوا إني من ناشئي إنبي، ده مش صحيح، أنا في المقاولون من وأنا عندي 9 سنوات وانتقلت لإنبي وأنا 18 سنة ورجعت تاني المقاولون وأنا 20 سنة».