حسام حبيب: أنا برئ من اللي بيحصل وشيرين بتكدب

علق الفنان حسام حبيب على ما صرحت به الفنانة شيرين عبد الوهاب خلال الساعات الماضية بانه قام بسرقة اموالها خلال السنوات الماضية.

و قال حسام حبيب: "طبعا أنا خجلان من كل اللي بيحصل، ومش عارف أقول أية عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها !!، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت اننا اطلقنا يا هى بتكدب على البنك وقالت أني زوجها وحولتلي".

وكانت شيرين عبد الوهاب، قد صرحت، "أنا بستغيث من الناس بصفي أم لدي ابنتان أريد أن أفك رقابتهم من حسام حبيب، وأنها تضطر أغلب الوقت للصمت بسبب تهديده وابتزازه وسيطرته الكاملة على ابنتى خصوصًا خلال الفترة الأخيرة، وأنا حولت حسام حبيب مبلغ قدره 10 ملايين جنيه، وأنها قضت الفترة الماضية من حياتها بين البكاء والخوف، وحسام واهد مني عربية رانج روفر ماركة 2008 باعها وكمان ساعتين روليكس، وكسر الخزنة بتاعتي اللي كانت في شقة في كومبوند، وطلّع منها التنازلات الخاصة بقضية شركة روتانا حتى دهبي كله خده مني".