أستاذة نفسية: ”هو إنتى بتعملى حاجة” تعتبر عنف لفظي ضد الزوجة

قالت الدكتورة سامية صابر، أستاذ الصحة النفسية، إن هناك أشكال عديدة للعنف اللفظي بين الأزواج، منها كل قول فيه توجيه اللوم أو السخرية، لافتا إلى أن هناك كلمة خطيرة يرددها الأزواج تعتبر عنف لفظى، وهى "هو إنتى بتعملى حاجة".

وأضافت أستاذ الصحة النفسية، ، خلال حوار مع الإعلامية مروة شتلة، بحلقة برنامج "البيت"، المذاع على فضائية "الناس"، اليوم الثلاثاء: "فى قصة لزوج راح لطبيب نفسى وقاله أنا تعبان جدا أنا بشتغل ومرأتى لا تعمل، فالطبيب قاله قولى يومك فيه إيه، قاله أنا بقوم الساعة 7 الصبح بفطر وأرح شغلى، ومراتى بتصحى الساعة 5 تحضر الفطار لى وتودى الأولاد المدرسة، وبرجع الساعة ثلاثة تكون هى رجعت الأولاد من المدرسة، وبعد كده أنا بنام وهى بتظبط البيت والمطبخ علشان مش بتشتغل، وبصحى بقوم تعملى شاى، وهى بتذامر للأولاد علشان هى مش بتشتغل، قاله طيب هى كل ده مش بتشتغل، المفروض إن هى اللى تيجيى لى هنا".

وتابعت: "المفروض التعامل بين الأزواج يكون على مبدأ المساعدة والعمل بين الطرفين لبناء المنزل والأسرة وعدم إنكار أو التقليل من أى عمل يقوم به الطرف الثانى".