«بلاش كلام متغطي».. رسائل نارية من نجم الأهلي السابق بشأن أزمة أحمد رفعت

أزاح عمرو أنور، نجم الأهلي السابق، الستار على أزمة الراحل أحمد رفعت، جناح الفريق الكروي الأول بنادي مودرن سبورت، والذي وافته المنية السبت الماضي، بعد تدهور حالته الصحية.

وقال عمرو أنور، في تصريحات عبر إذاعة «أون سبورت إف إم»: «مش عارفين الحقيقة فين، الأقوال متضاربة، الناس بتتكلم كتير وكلام مش مفهوم ومش عارفين نوصل للحقيقة».

وأضاف: «لازم الناس تلتزم الصمت حتى ظهور نتيجة التحقيق ونعرف الحقيقة»، مضيفًا: «أكتر حاجة بتضايقني الكلام المتغطي، لو عندك معلومة اطلع قول وإنما الكلام العايم ملوش لازمة، مينفعش موضوع خطير زي ده ويبقى الكلام عايم ومرسل».

وأتم: «بنسمع عن حالة نفسية ومنشطات ومش عارفين الحقيقة فين، التحقيق يطلع وبعدها اطلع اتكلم عشان الناس دماغها بتروح لناس ممكن تكون مظلومة».