فندق بالبحر الأحمر يوفر نسبة 35% لتعيين السيدات

فى إطار الاهتمام بالسيدات والفتيات وتوفير فرص عمل لهم بدأ أحد فنادق منطقة سوما باى السياحية بالبحر الأحمر فى تخصيص نسبة تعيين السيدات والفتيات بالفندق تمثل حوالي 35% من عدد العاملين بالفندق فى كل اقسام الفندق مع عمل فترة اعداد وتدريب لمدة 3 اشهر قبل استلام العمل حيث يوفر الفندق المناخ الملائم للابداع للعاملات بالفندق من السيدات وايضا عمل محفزات وترقيات لهم لتقديم أفضل ما لديهم .

وتقول شيرين احمد أخصائية موارد بشرية بالفندق بشتغل فى الفندق من كام شهر وعندى خبرة فى المجال عامين وسعيدة بالعمل فى المجال ده خاصة إدارة الفندق موفرة المناخ إلى يخلى الموظفين يزودوا خبراتهم ويساعدوهم على التدرج فى المناصب وتجربة تعيين نسبة سيدات داخل الفندق تجربة جيدة علشان الإدارة داخل الفندق جيدة بتنمى مهارات العاملين

وتضيف روان فراج من القاهرة موظفة استقبال بشتغل فى الفندق من حوالى 4 سنين بدأت العمل متدربة فى عدد من أقسام الفندق واشتغلت سنتين ونص فى قسم السرفيس وبعد كده دخلت الاستقبال وخلال فترة عملى بالفندق استفدت من كل الاقسام إلى اشتغلت فيها كل الناس فى الفندق بتساعدنا خاصة فى فترة التدريب المديرين بيوفروا المشورة قبل ما تطلبها منهم فى تعاون كبير كمان إدارة الفندق بتهتم بالسيدات

وتشير جيراليدين جوزيف من قسم التسويق بشتغل فى الفندق من فترة صغيرة بدأت العمل فى قطاع السياحة من 3 سنوات ونص فى تشجيع وتعاون فى الفندق من اول ما جيت هنا من حوالى 3 شهور انا كمان اشتغلت فى كام فندق بس ده اول فندق اشوف كمية بنات كتيرة وانا كمان مبسوطة فى شغلى هنا فى الفندق انا حاسة انى موجودة مع عيلتى.

وتضيف د ايمان احمد بكري مدير التدريب والتطوير بالفندق متزوجة من القاهرة وعايشة في الإسكندرية، بشتغل من ٢٠٠٧ في مجال السياحة، وكمان اشتغلت علي في مجال الجامعات سابقاً.

وتابعت: بشتغل حاليا مدير التدريب والتطوير في فندق من فنادق سوما باي بشتغل فى الفندق من حوالى سنة إلى كان يهمنى فى الشغل الاحترام فى العمل قبل الفندق ده اشتغلت فى فنادق تانية وكمان إدارة الفندق بتقدم كل الدعم للعاملين لتوفير مناخ للابداع فى العمل.

وتابعت نهي كامل ثابت مدير الجودة بالفندق: بشتغل فى المجال السياحى منذ 20 سنة من 2004، كان قرار صعب انى انتقل من المنيا للغردقة للعمل، بس خدت تشجيع كبير من اسرتى علشان اشتغل هنا، وخلال العشرين سنة اشتغلت فى أقسام كتير جوة الفندق كمان خدت دعم مباشر من كل مدير اشتغلت معاه لحد ما وصلت لانى ابقى مدير الجودة وكمان من المديرين الناجحين فى الفندق كمان الفندق بيقدم دعم كبير للسيدات وكمان بيدى تدريبات كتير للسيدات وانا اشجع البنات للعمل فى القطاع .

مريام أمير، مدير المكاتب الأمامية بالفندق، بدأت العمل بالفندق من 2004 من حوالى 20 سنة بدأت العمل داخل قسم خدمة النزلاء بعد كده بقيت مشرفة بالقسم وخلال عشرين سنة كان فى فرصة كبيرة للتعليم والتطور بالفندق كمان إدارة الفندق بتعمل على تطوير وتعليم السيدات وكمان بيدى فرصة للتطوير وتنمية مهارات السيدات وكمان بيدى فرصة للسيدات لتقلد المناصب وكمان إدارة الفندق بتقدم فرص تدريبية للطالبات بكليات السياحة والفنادق.

وتقول داليا العجيمى مدير تنفيذى لإدارة الموارد البشرية بالفندق إن إدارة الفندق تخصص نسبة فى التعيين للسيدات والفتيات تمثل حوالى 35% من العاملين بالفندق فى كل الأقسام، وبيتم تدريب المعينين قبل تسلم العمل لمدة حوالى 3 شهور من قبل إدارة التدريب بالفندق.