أول تعليق من ابنة مريم فخر الدين على تهكم والدتها عليها

تحدثت إيمان ذو الفقار، ابنة الفنانة مريم فخر الدين عن تصريح شهير لوالدتها قالت فيه "بنتي عايزة تطلع ولا حاجة"، لتوضح حقيقة الأمر.

قالت إيمان ذو الفقار خلال لقائها في بودكاست "لحظات": "لما حد بيبعت لي فيديو عن ماما ببقى مرعوبة وأنا بفتحه، في فيديو كنت بكرهه أوي بتقول فيه "بنتي عايزة تطلع ولا حاجة"، إيه ولا حاجة دي؟".

وتابعت إيمان ذو الفقار: "أنا اشتغلت في كذا مكان واشتغلت مدرسة، هو عشان مش عايزة أشتغل في السينما يبقى أنا ولا حاجة؟ هي كان نفسها أبقى فنانة لكن أنا مكنتش عايزة".

أوضحت إيمان ذو الفقار سبب رفضها دخول عالم التمثيل قائلة: "أنا تعبت كطفلة عشان أمي ممثلة ومكنتش عايزة أعمل كده في أولادي حتى الشغلانة اللي فضلت فيها عشرين سنة هي مدرسة، أروح معاهم المدرسة الصبح وأرجع معاهم بعد الضهر".

وكانت مريم فخر الدين قالت في لقاء أجرته مع الإعلامي مدحت الجمال في برنامجه "سوارية" في بداية التسعينيات عن ابنتها "إيمان": "جات بنتي بعد الثانوية العامة سألتها عايزة تطلعي إيه يا إيمان قالت لي "ولا حاجة"، في حد عايز يبقى ولا حاجة؟ طيب تعالي مثلي دا إنتي أبوكي محمود ذو الفقار وعمك عز الدين ذو الفقار ومرات عمك فاتن حمامة وعملك صلاح ذو الفقار ومرات عمك شادية وخالك يوسف فخر الدين دي بؤرة فن، لكن بتكره السينما خالص".