أبرزها محمد الشناوي وبن شرقي.. حازم إمام يحدد احتياجات الزمالك في صفقات الموسم المقبل

أزاح حازم إمام نجم نادي الزمالك السابق وعضو مجلس إدارة اتحاد الكرة الحالي الستار على أن الزمالك يحتاج تدعيمات في الموسم المقبل تحت قيادة المدير الفني الحالي جوزيه جوميز.

وقال حازم إمام في تصريحات تلفزيونية: الزمالك بيلعب كورة كويس مع جوميز،ولكن عنده نواقص كتير مأثرة عليه هجوميا ومفيش عندك رأس حربة قوي.

واكمل: انا مع قرار إستمرار جوميز الفترة المقبلة في قيادة الفريق، والزمالك محتاج حارس مرمى ومحتاج مدافع أو 2، ومحتاج وينج ليفت، وياريت بن شرقي يرجع، ولازم التعاقد مع رأس حربة قوي بجانب وجود سيف الجزيري وعدم رحيله.

وتابع: سيف الجزيري لازم يكمل وحمزة المثلوثي ماشي كويس في مركز المساك، وحسام عبد المجيد بيتحسن شوية ولكن مش ذنبه إنه فجأة لقى نفسه مساك الزمالك الأساسي، احيانا بيبقى مش كويس أه لكن مع الوقت بيتحسن وبيتطور.

وبسؤال حازم إمام عن لاعب يتمنى ضمه من النادي الأهلي إلى نادي الزمالك قال: إمام عاشور أفضل لاعب في الأهلي، وأتمنى ضم محمد الشناوي بما إن الزمالك محتاج حارس مرمى.

وأتم حازم إمام تصريحاته قائلا: لازم الموسم الجاي يبقى شكل الدوري مختلف ويبقى موسم إستثنائي، وهايقل عدد المباريات حوالي 10 جولات عشان نبقى ماشيين بشكل طبيعي مثل الدوريات الأوروبية.