بعد الحلقة الاخيرة.. مي عمر توجه رساله للجمهور وفريق عمل ”نعمة الأفوكاتو”

عبرت الفنانة مي عمر عن امتنانها للمشاهدين والمشاركين معها بمسلسل "نعمة الافةكاتو" مع نهاية حلقات المسلسل.

ونشرت مي عمر، عبر حسابها بموقع التواصل الاجتماعي، فيسبوك، منشور قالت من خلاله:" انهاردة كانت أخر حلقات مسلسل (نعمه الأفوكاتو» الحمد لله رب العالمين على توفيق ربنا وكرمه الكبير، عندي أحاسيس كتيرة مختلفة إحساس بالسعادة بردود الأفعال من كل الدول العربية والإشادات الكبيرة اللي جاتلي من ناس كتير بحبها وبحترمها، إحساس بالإمتنان لنجاح المسلسل وتوفيق ربنا اللي فاق كل التوقعات وإن مسلسل نعمه الأفوكاتو يتصدر نسب المشاهدات على مستوي العالم طوال فترة عرضه على منصه شاهد، إحساس بالحزن على انتهاء المسلسل اللي كنت متعلقه بكل تفصيله فيه وإحساس بالمسؤليه في تقديم الأفضل المرة القادمة إن شاء الله".

وأضافت:" شكرا المخرج العظيم محمد سامي على مجهودك الجبار اللي عملته معانا كلنا، شكرا على تعبك وإهتمامك بأدق التفاصيل دايما الشغل معاك متعه انت بتخلي الممثل يصدق ويستمتع بكل مشهد بيعمله بكل تفاصيله، شكرا على وجودك اللي كان سبب أساسي في نجاح العمل، شكرا مجموعة mbc وشاهد على ثقتكم الكبيرة ودعمكم المستمر ليا شكرا المنتجة مها سليم على الإنتاج المشرف ومجهودك وإخلاصك وخوفك على العمل من أول يوم تحضير لأخر يوم عرض".

واستكملت:" شكرا لكل الكرو والكاست اللي كانوا بيشتغلوا بكل حب وإخلاص الكاتب الموهوب جدا مهاب طارق المونتيره العبقريه غادة عزالدين مدير التصوير المتميز جدا نزار شاكر ومهندس الديكور الرائع أحمد عباس صابر والاستايلست الشاطر جدًا سعيد رمزي، شكرًًا خبيرة التجميل الشاطرة زينب حسن والماكير مصطفي زيدان والكوافير الشاطر ألفريد ووليد على اهتمامكم أن نعمه تطلع بالشكل المطلوب".

وعن العاملين بالمسلسل قالت:" شكرًا كاست العمل اللي اتشرفت بالعمل معاهم أحمد زاهر وأروي جودة وعماد زيادة، الأستاذ الكبير كمال أبوريه وطارق النهري، وسامي مغاوري، وسليمان عيد، أحمد ماجد، ولاء الشريف، سلوي عثمان، لبني ونس، سمر عبدالوهاب والقمر هدير عبدالناصر والوجه الجديد الموهوب محمد الدسوقي بحبكم جدا وهتوحشوني وهتوحشني نعمه سعيد أبوعلب بكل تفاصيله".