إبراهيم عيسى: يوسف شاهين ليس أفضل مخرج في السينما

كشف الكاتب وساليناريست إبراهيم عيسى عن رأيه في المخرج الراحل خالد يوسف خلال برنامجه "لعل وعسى" المعروض بشهر رمضان.

وقال عيسى خلال الحلقة:""المخرجين العظماء في مصر كتير جدا مفيهومش أعظم، يوسف شاهين ليه أفلام هبلة كتير جدا وليه أفلام عظيمة كتيرة جدا، زي ما سمير سيف عنده أفلام عظيمة ورائعة".

وأضاف:""بسبب حالة الهيمنة والسيطرة اليسارية على السينما المصرية في تاريخها، السينما دلوقتي المسيطر عليها وعلى التقييم فيها بيحبوا أفلام المهرجانات أوي، اللي نص الفيلم يكون الممثل بضهره".

واستطرد:"بالنسبة ليا كمال الشيخ مخرج عظيم ورائع ليه مكتبوش عنه لأنه مكنش يساري كان يميني، ضد ثورة يوليو مكنش حبيب للقلب، وحسن الإمام فضلوا يقولوا أنه مخرج أفلام العوالم وحسن الإمام حاجة كبيرة جدا وواحد من أعظم مخرجي العالم، مثلا بنفضل نتكلم عن فيلم "الأرض" ليوسف شاهين وعظمة مشهد هجوم الهجانة، وحسن الإمام عمل المشهد ده في فيلم "لن أبكي أبدا".