بوسي: لما اتجوزت هشام ربيع كان مطلق واتحبس عشان يحميني

تحدثت المطربة بوسي، عن طليقها هشام ربيع، مؤكدة أنها تزوجته أثناء طلاقه من زوجته الأولى، وذلك خلال استضافتها ببرنامج "العرافة" مع بسمة وهبة.

وقالت، بوسي خلال لقاءها،" هشام ربيع راجل محترم، ولما اتجوزته كان مطلق أنا متجوزش راجل متجوز أنا مش واقعة، وهو مطلقش مراته علشان يتجوزني، وهي اللي كانت عايزة ترجعله وقالت علشان عيالي وأنا وافقت علشان عندي عيل وهو قالي اقفي جنبي".

وأضافت:" هشام ربيع اتحبس علشان يحميني من العصابة اللي كانت بتستنزفني بقالي أكتر من 10 سنين بياخدوا فلوس وبس، اللي هما طليقي وإخواته والمحامي بتاعه دول عالم نصابين واتهمونا أننا سرقنا شيكات".

وردت بوسي، على انتقادات طرحها الأغاني أثناء فترة سجن هشام ربيع قبل انفصالهما: ربنا يعلم أنا عملت إيه لهشام ربيع وهو في السجن، والله يسامح اللي وصلوا له كلام غلط وشغالين على ودانه، وفي ناس كتير مش حابين وجودنا مع بعض، وهو عارف الحقيقة وأني عمري ما أسيب جوزي، والناس قالت أني بنزل أغاني وجوزي محبوس، ما ده أكل عيشي.