أحمد العوضي: خرجت من المستشفى وهستأنف تصوير ”حق عرب” السبت القادم

حرص الفنان أحمد العوضي على طمأنة جمهوره على حالته الصحية عقب تعرضه لوعكة صحية دخل على إثرها المستشفى في الفترة الماضية.

قال العوضي "أنا بطمن كل اخواتي وحبايبي وانا بخير ومش عايز حد يقلق وانا خرجت من المستشفى انهاردة" وذلك في تسجيل صوتي لـ ET بالعربي

وعن موعد استئناف تصوير مسلسل "حق عرب قال " و نازل اصور يوم السبت وارجع التمرين وكل حاجة تمام فالحمدالله والف شكر لكل الناس اللي سألت عليا وبإذن الله نقدم مسلسل جامد يليق بيكم كلكم ألف شكر"

تفاصيل زيارة ياسمين عبد العزيز لـ أحمد العوضي

كان أحمد العوضي قد كشف عن تفاصيل الوعكة الصحية التي تعرض لها وقال خلال مداخلة مع الإعلامي شريف عامر في برنامج "يحدث في مصر" الذي يعرض عبر قناة mbc مصر": الحمد لله رب العالمين والكلام اللي اتقال كلام كتير وده طبعًا بشوفه حب من الناس والاهتمام، والموضوع إني كنت في الفترة الأخيرة بصور طول الوقت ومفيش أي راحة وجالي دور برد شديد فأهملت فيه.

وأضاف العوضي: وقلت أنا هتمرن وأشتغل عادي لحد ما حصلي رعشة وروحت للدكتور وقالي لازم أقعد 4 أيام في المستشفى عشان الإهمال اللي بعمله وإن شاء الله هخرج بكره".

وعن زيارة ياسمين عبد العزيز له في المستشفى قال العوضي "أنا وياسمين حالة خاصة جدًا وإحنا قصة كبيرة والعالم العربي كان معانا قلبًا وقالبًا والانفصال تم بطريقة تليق بينا وبحب الناس لينا.

واستكمل أحمد العوضي: ياسمين أول ما سمعت إني دخلت المسشتفى وجالي التهاب في الشعب الهوائية رغم إننا متطلقين، بعتتلي قالتلي أنت كويس؟ والمفروض هروح، وهي أول واحدة قولتلها وأنا روحت المستشفى لقيت ياسمين داخلة عليا وبتطمن ومسابتنيش لحظة وده مش جديد عليها أنا حبيتها عشان هي بنت أصول وفيه بينا احترام وأصل وده مستغربتوش منها وده كنت مستنيه، وأنا حبيت أطمن كل إخواتي من خلالكم بينى وبين ياسمين عبد العزيز.