أحمد الفيشاوي: لا تجوز مقارنتي بكريم عبد العزيز

تحدث الفنان أحمد الفيشاوي عن مقارنته بالفنان كريم عبد العزيز في السينما، حيث يعتبر الأخير من أكثر النجوم المصريين تحقيقًا للإيرادات بالوقت الحالي، منوها أنه لا يجب مقارنته بالفنان كريم عبد العزيز لاختلاف جيل كل منهما.

وقال الفيشاوي، خلال المؤتمر الصحفي لفيلم "عادل مش عادل": الحقيقة فعلًا إني مكنتش مهتم بالإيرادات ودلوقتي أنا شايف ان الممثل بيثبت نفسه في السينما لما يعمل إيرادات في شباك التذاكر، وفيه أفلام تجارية بتقدر تعمل إيرادات عالية بتعدي 150 مليون وأكتر.

وأضاف:" في المستقبل هنسمع عن 200 و300 مليون لأن السوق بدأ يفتح بشكل سريع ودي حاجة هايلة، وأنا بقيت أهتم بشباك التذاكر؛ لأن ده اللي بيخلي أي نجم سينمائي يقف على رجله".