رانيا يوسف : فنان شهير بيغير مني وشال نص مشاهدي ودلوقتي بيسلم عليا بالأحضان

أكدت الفنانة رانيا يوسف ، بأن هناك فنان مصري شهير يغير منها ، حيث وصل الأمر به بحذف الكثير من مشاهدها في عمل جمعهما سويا ، متحفظة علي ذكر أسمه .

و قالت رانيا يوسف في تصريحات تليفزيونية : "هناك فنان مصري أشتغلت معه منذ فترة قريبة وكان بيغير مني وحذف نص مشاهدي من عمل جمعني به ، ومش هقدر أقول أسمه ، لإنه دلوقت بيسلم عليا بالأحضان كل ما يشوفني ، ومتمناش أشتغل معاه تاني ".

وسبق ، وتحدثت الفنانة رانيا يوسف عن فكرة الحجاب في أحد لقاءاتها التليفزيونية ، ورأيها في الطريقة التي يحكم بها الأفراد علي بعضهم البعض .

وأوضحت رانيا : مبحبش أحكم علي حد من طريقة لبسه ، والطرحة لا هتقلل مني ولا هتذودني ، الواحد بيتحجب بأفكاره ومعتقداته وده رأيي الشخصي ، وولدتي وجدتي مش محجبين ، وأعرف ناس كبار في السن مش لابسين الحجاب … مش بيتهيألي أن أتحجب لما اكبر في السن دي مش من أفكاري خالص ، أنا مش هدخل في قصة الحجاب فرض ولا لأ لأن أنا مش هفتي ومبتكلمش في الدين ، ولا في السياسة ، أنا ليًا حالي وحال بناتي .

وأضافت رانيا : متصالحة مع فكرة الموت ، وليه ارتباطنا بربنا مرتبط بالخوف ، هو أنا مينفعش أحبه من غير ما أخاف وهخاف ليه ؟، ده ربنا أسمه الرحمن الرحيم ومفيش أرحم منه علي البشر ، إحنا منه وراجعين له ، ليه لازم العذاب والخوف ؟، ومعنديش فكرة الإلحاد أبدًا.

وعن انتقادات الجمهور لمشاهد القبلات في أحد أفلامها مع هاني سلامة ، ردت رانيا قائلة :" إحنا اتربينا علي أفلام الأبيض والأسود وعلي المشاهد دي ، أنت مش عاجبك الفيلم متتفرجش عليه ، والناس بتستفز من المشاهد دي بسبب عقليتها ومعتقداتهم ، وأنا مش بتحدي المجتمع المصري خالص أنا بعمل اللي يريحني ، وأنا بأمن بالحرية الشخصية اللي مبتأذيش حد .