شيرين: أنا مهما عملت علشان أبقى حلوة مش هيبقا زي خلقة ربنا

عبرت الفنانة القديرة شيرين عن وجهة نظرها في إجراء عمليات التجميل لتظهر أصغر سنًا، وذلك أثناء استضافتها في برنامج "قعدة ستات"، للإعلامية مروة صبري، المذاع على شبكة قنوات أوربت.

وكشفت شيرين عن رأيها وقالت " أنا مهما عملت علشان أبقا حلوة أو أجمل في نفسي، مش ممكن أبدا هيوصل أي بشر أنه يكون أحسن من خلق ربنا".

وتابعت:"ممكن أجي أكبر خدودي شوية يقفلوا على عينيا، ممكن أجي أشد وشي حواجبي تترفع يبقى شكلي شيطاني، الخطوط في الوش دي العمر والسنين، كل واحد بيبقى عنده قناعة، أنا قناعتي بعيدة عن الموضوع ده".

واختتمت حديثها قائلة: "أنا مش هفضل زي زمان، الناس بتعتب عليا أن بقول سني الحقيقي طيب لو مقلتوش ما مسرحية "المتزوجون" متصورة من سنة 1979 يعني حاجة وأربعين سنة وأنا قدامهم بحسبة بسيطة جدا هيقولوا دي ست كدابة، وليه أكدب عشان إيه أنا راضية جدا"