”قومي ياغزة” غناء محمد أسامة وخالد عجمي وحودة بندق

طرحت منذ قليل القناة الرسمية للمنتج "سلطان الشن"، بموقع يوتيوب فيديو كليب أغنية "قومي يا غزة"، غناء كل من محمد أسامة وحودة بندق وخالد عجمي.

وتقول كلمات الأغنية :

الحق صوته أعلي من صوت السلاح

وهاتولي دين بيحلل الدم اللي راح

علي كل شبر في أرضها

صرخت و بعلو حسها

متعزونيش وهاتولي حق ابني اللي راح

وحياتك ياقدس دي شده وتعدي

وياغزه قومي أنا مش هسيب أرضي

لو مت ييجي ولادي من بعدي

وفداكي روحي يروح كمان ملايين

ياعرب ناديت أنا واتنبح صوتي

وعدوي عاجبه سكوتكو وسكوتي

ودي ارضي لو كان التمن موتي

أنا أموت عشان الأقصى وفلسطين

الأرض دى شبعت ياما وعود وعهود سلام

بس إنتوا لسه بجد مشبعتوش كلام

الأرض دي طول عمرها

معروف مين اللي هدها

وعدوها خاين ولا يعرف سلام

هنفوق وإمتي هنبقى إيد واحده ونقوم

ونوقف الدم اللي بيروح كل يوم

مبقاش في وقت يضيع خلاص

وحدتنا أقوى من الرصاص

الأرض ديا لأهلها هترجع في يوم

يذكر أن أغنية "قومي يا غزة " مهداة وتخصص أرباحها لصالح الشعب الفلسطيني.

أغنية "قومي يا غزة" من كلمات عمر عبده علي، وألحان عمرو الشاذلي، وتوزيع عمرو الخضري، والكليب من إخراج خالد سامي.