أُكِلتُ يوم أُكِلَ الثورُ الأبيض.. أحمد مكي: ما يفعله الجيش الإسرائيلي دلوقتي بداية الزوال وده وعد الله

استنكر الفنان "أحمد مكي" الأحداث في فلسطين وما يحدث تجاه شعب غزة من تدمير وإبادة جماعية للأطفال والنساء والرجال.

ونشر "مكي"، فيديو عبر حسابه بموقع التواصل الإجتماعي فيس بوك، وعلق قائلًا: "حب الدنيا وكراهية الموت ميجتمعوش أبدا مع فكرة الإيمان، واللي عنده إيمان حقيقي من جواه هيكون بيتمنى يستشهد في سبيل الحق والحق هو الله، وأنا لا أدعي إني رجل دين أو شخص مثالي، ولكني إنسان بسيط أخطئ وأصيب، وأكيد ليا أفعال في حياتي بدعي ربنا يغفر لي".

وتابع: لما قعدت أقرأ شوية في الموضوع، لقيت إن في آيات كتير في القرآن واضحة وصريحة قالت الخلاصة، وهي: “وما النصر إلا من عند الله”، اتنين: “إذا جاء نصر الله والفتح”، تلاتة: “والله يؤيد بنصره من يشاء”، آية واضحة ومفيهاش كلام.

وأضاف مكي: من قبل ما تشتد أحداث فلسـطين مؤخرًا، في علامات ربنا نزلها كتير، الأعمى يشوفها، زي الزلازل والبراكين والأوبئة، وربنا من رحمته بينزل النذر قبل الأحداث العظام، وإحنا داخلين على حاجات عظيمة، وأنا مش بفتي ولكن ده كلام موجود في الدين، اللي جاي لازم الإنسان يحدد فيه موقفه ويعرف الطريق الصحيح وأقصد بيه طريق الله، طريق الله مفيهوش تنازع أو أحزاب.

واستكمل مكي: الإسـرائيليين بيبلطجوا، وبالتالي البلـطجي لازم يُسـحق ويبـاد، وأول رئيس وزراء عندهم من أول تصريحاته قال بكل فجاجة والناس عدت الموضوع عادي من غير ما يقولوا إن ده إرهـاب، وقتها قال إن قوتهم الرئيسية في قدرتهم على تفتـيت أكبر الدول العربية وهم بالترتيب العراق وسوريا ومصر، وأغلب المخطط حصل بالظبط، وللأسف لما حصل في العراق حصل نفس الموقف المخزي ومحدش اتدخل ومحصلش وحدة والناس ماخدتش موقف.