أحمد سليمان: هنقاتل لو نجحنا عشان نرجع الزمالك أفضل من الأول

تقدم أحمد سليمان بأوراق ترشحه رسمياً، على منصب عضو مجلس الإدارة بعد اتفاقه مع حسين لبيب في النزول بقائمة توافقية.

وقال أحمد سليمان في تصريحات صحفية: " الحمدلله إننا قدرنا نتفق على قائمة موحدة مع كابتن حسين لبيب وكل ده من أجل خدمه النادي معملتش أي حركات ولا حاجة".

وأضاف: " كل المرشحين النهاردة جايين يخدموا نادي الزمالك، وأنا على تواصل دائم مع حسين لبيب من فترة طويلة وشوفنا إن ده الأفضل للزمالك".
وأكمل: "كنت سعيد إمبارح بشعور وردود أفعال جماهير نادي الزمالك على القائمة التوافقية، إحنا لا خدنا بطولة ولا عملنا حاجة، لكن الجماهير حست إن الناس قلبها على النادي وعايزة تخدمه".

وأردف: "هنقاتل لو نجحنا علشان نادي الزمالك ونرجعه أفضل من الأول، ولو ربنا موقفناش ونجحنا هندعم اللي جاي ونقف وراه".
واختتم قائلاً: "عندنا جمعية عمومية محترمه وأنا بقولهم إحنا كقائمة هنطمنكم عن برنامجنا وخططنا للزمالك الفترة المقبلة وباذن الله نقدر نساعدهم وننهض بالنادي".