ميدو عن البناني: أحسن قرار أخذه الوزير لصالح الزمالك إنه جاب راجل من بره النادي

أشاد أحمد حسام ميدو، بقرار وزير الشباب والرياضة الدكتور أشرف صبحي، بتعيين عماد البناني مديرا تنفيذيا لنادي الزمالك، مشددا على أنه يقوم بعمله لصالح نادي الزمالك لحين وجود مجلس منتخب.

وكتب ميدو عبر حسابه الرسمي على "X":

"أحسن قرار اخذه الوزير أنه جاب راجل من بره النادي خالص يدير دلوقتي لا تبع ممدوح ولا تبع مرتضى دوره مسير أعمال ويدعوا للانتخابات فقط.. طالما هتيفة ممدوح ومرتضى بيشتموه يبقى راجل ١٠٠-١٠٠.. معظم اللي كانوا في النادي امبارح دول هتيفة أونكل ممدوح.. ومعظم اللي بيشتموه على السوشيال ميديا هتيفة أونكل ممدوح.. سيبوا النادي ينظف أدوا الفرصة لأي حد يدير لغاية الانتخابات وييجي مجلس محترم يدير النادي".

وأضاف: "والله عمري ما قابلت البناني ولا شوفته ولا أتكلمت معاه لكن هو الراجل المناسب دلوقتي وأحسن قرار اخذه الوزير لصالح الزمالك انه جاب راجل من بره النادي".