سيد صادق: لن أقبل بأي عمل يقلل من تاريخي وأشرف زكى لم يتغير من 35 سنة

عبر الفنان سيد صادق عن سعادته بتكريمه عن مسيرته الفنية خلال مهرجان القاهرة للدراما في دورته الثانية قائلا: شعور جميل وأتمني أن يدوم لأني حسيت أن الدولة والنقابة بيفكروا الناس بالفنانين اللي الناس قربوا ينسوهم"

كما وجه نصيحة للفنانين قائلا: لازم يكون عندك مجال أخر للرزق لازم تسعي علشان الرزق وعلشان متبهدلش ويقولوا عليك مش لاقي تاكل وبتشتغل سواق تاكسي.

كما تحدث عن الأعمال التي تعرض علية قائلا: في أعمال سينمائي بتتعرض عليا بيكون المنتج جاى ومتعشم اوي طيب اشوف اسم البطل اللي هيشيل الفيلم الاقي اسماء ضعيفة جدا جدا عشان كدة مش هقدم أى عمل لاني بكتفي بتاريخى واعمالى اللي قدمتها أنا وضعي مستور والحمد لله عيالي عايشين العيشة اللي كنت بتمناها لهم.

كما كشف عن دور النقابة في عنايتها بالممثلين قائلا: عندنا في النقابة نقيب من أحسن النقباء اللي مسكوا النقابة لأن دكتور أشرف زكي اللي بعرفة من 35 سنة هو هو متغيرش وبيخدم الناس بطريقة مهولة فمن حظنا أن أشرف زكى ربنا مسخره للنقابة وخدمة الناس.