نوافذ مكسورة و75 ألف جنيه.. ماذا حدث داخل فيلا اللاعب محمد صلاح؟| نص تحقيقات

حصلت "النهار المصرية"، على نص تحقيقات قضية سرقة فيلا محمد صلاح، لاعب منتخب مصر وليفربول، على يد 3 أشخاص من بينهم فرد أمن كان يعمل سابقًا بالفيلا.

وننشر أقوال "باسم.ه"، وكيل أعمال محمد صلاح، ومكتشف واقعة سرقة الفيلا.

وقال وكيل اللاعب: "اللي حصل إن أنا ماسك شغل محمد صلاح هنا فى القاهرة ولما يجي القاهرة بروح الفيلا بتاعته بشوف لوازمها قبل ما يجي، وفي يوم روحت دخلت وفتحت باب الفيلا لقيت الفيلا مقلوبة والأدراج متفتحة والنور والع وأنا استغربت لأن الفيلا فاضية من حوالي شهر".

وتابع: "أنا دخلت وقعدت أنده على أساس إن حد من أهله موجودین محدش رد عليا فبصيت لقيت الشباك اللي فى الدور الأرضي السلك بتاعه مقطوع والأدراج متفتحة والدنيا مقلوبة في الفيلا من جوه وطلعت الدور اللي فوق لقيت الأدراج متفتحة".

وأوضح: "لقيت الدواليب أبوابها مفتوحة بشكل ملفت فانا قولت أكيد الفيلا اتسرقت ولقيت جزم مسروقة و4 ريسفرات وميدالية بطولة إفريقيا الفضة ومبلغ 75 ألف جنيه فكان بتاع الأمن أخد باله مني وكلم النقطة والشرطة جات وفحصوا المكان وعملوا معاينة عليه وعملت محضر".