”بيعناها بـ300 جنيه”.. ماذا قال لصوص فيلا محمد صلاح عن المسروقات؟… نص تحقيقات

سرقة فيلا محمد صلاح.. جملة أثارت الجدل خلال شهر مارس المنصرم بعدما تعرض اللاعب الدولي محمد صلاح إلى سرقة محتويات فيلا مملوكة له بمدينتي في التجمع الأول.

وحصلت "النهار المصرية"، على نص تحقيقات القضية رقم 4262 لسنة 2023 جنح التجمع الأول، والمتهم فيها 3 أشخاص بسرقة فيلا اللاعب محمد صلاح لاعب نادي ليفربول الإنجليزي.

وقال المتهم الأول "مصطفى.س"، 22 عامًا: "إحنا روحنا على الباب اللي على جنينة بيت محمد صلاح وحاولنا نبص معرفناش فجبنا أنبوبة ووقفنا عليها وبصينا، وعادل وقتها قالي مفيش حد في الفيلا وفيش التلفزيون مفصولة وبعدها لفينا على كل شبابيك الفيلا".

وأكد: "إحنا اخترنا شباك ناحية فيلا مهجورة عشان لو عملنا صوت محدش يسمع، وبعدها دورنا في الجنينة لقينا فاس فحطينا راسها تحت الباب الجرار بتاع الشباك وفضلت أنا وهو ندوس على الإيد الخشب ولقينا سلك الشباك فقطعناه بسكينة المعجون".

وأوضح: "بعدها روحت أنا وعادل البيت عنده وفضلت لحد الصبح وبعد كده سبت المسروقات عنده وخدت أنا الـ3 جزم وروحت على البيت عندي عشان أبو عادل ميشكش فيه إنه سرقهم وعادل خبى باقى الحاجة ومعرفش هو عمل فيهم إيه".

وأردف: "بعدها بشهر اتواصل معايا وبعدها اتقبض عليا وخدوني وقالولى فين الحاجة اللى أنت سرقتها من عند محمد صلاح قولت لهم فى الدولاب فتحوا الدولاب لقو الـ3 جزم وخدوني ونزلونی وأول مانزلت معاهم لقيت عادل معاهم وراحوا مع عادل على البيت عنده جبلهم الميدالية وكان فاضل الخمس ريسيفرات والكرستالة".

وأوضح: "عادل قالهم إنه خبى الفلوس عند محمد صاحبه وطلعو عند محمد ملقوش فى الشنطة غير اتنين رسيفر والكرستالة ولما سألوه على الـ3 رسيفرات عادل قالهم بتعهم لواحد فى قرية سرابيوم بـ300 جنيه".