ليه بنتعامل كدرجة تانية.. ”فيدرا” تنتقد ضيق مساحة مصلى السيدات بالمساجد
شنت الفنانة "فيدرا" هجوم على مشرفي البناء في المساجد التابعين لوزارة الأوقاف، لتخصيصهم مصلى ضيق للسيدات بدون تهوية جيدة على عكس مصلى الرجال.
ونشرت "فيدرا" مقطع فيديو عبر حسابها الشخصي بموقع الصور والفيديوهات "إنستجرام" : "أنا عندي سؤال.. احنا طبعا عارفين إن في الجامع الستات بتصلي بعيد عن الرجالة وبنبقى منفصلين، بس هو السؤال اللي أنا مش لاقية ليه أي رد.. هو ليه دايما المصلى بتاع الستات صغير ومكتوم ومقفل بحواجز ومدخله جانبي كده زي ما يكون مثلا مدخل باب المطبخ".
وأضافت "فيدرا": "احنا ليه بنتعامل كدة؟ احنا ليه بنتعامل معاملة المواطن الدرجة التانية؟ يعني ليه المصلى بتاعنا ميبقاش يشرح؟ ليه المصلى بتاعنا ميبقاش مدخله حلو وجميل زي مدخل مصلى الرجالة؟ ليه ده مش متحقق للست؟ ليه أنا كمسلمة داخلة أصلي أتعامل معاملة مواطن درجة تانية؟".
واستطردت "فيدرا" حديثها قائلة: "تلاقي الرجالة عندهم براح مرعب، في رجالة أكتر بتروح تصلي صلاة الجمعة وكل الكلام ده احنا عارفينه بس اعملولنا حاجة أصغر أو أقل لكن إعملوها حلوة.. إعملوا مدخلها محترم وحلو مش مدخل كدا على جنب كأنهم ناس مش مهمة داخلة تصلي.. الست دي كائن مش مهم تدخل بقى من مدخل جانبي كده.. ليه مش فاهمة؟".
واختتمت "فيدرا" الفيديو، قائلة: "إعملوا حساب للستات شوية مش هيجرى حاجة لو عملتوا حاجة حلوة للستات وهي رايحة تصلي".
يذكر أن "فيدرا" تشارك في فيلم "العميل صفر" المقرر عرضه يوم 16 أغسطس المقبل بدور العرض السينمائي وهو بطولة أكرم حسني ، لبلبة، بيومي فؤاد، أسماء أبو اليزيد، ليلى عز العرب، منذر رياحنة، فيدرا، إسماعيل فرغلي، أيمن الشيوي، وأيمن طعمة، ومن تأليف وائل عبدالله، إخراج كريم العدل.
.jpg)
