”مينفعش حد يتقارن برباط جزمته”.. أحمد عيد عبد الملك ينتقد تعليق أحمد مرتضى علي تويته أيمن يونس

سخر نجم الزمالك السابق من أحمد مرتضى منصور عضو مجلس إدارة نادي الزمالك ووجه له سيل من الانتقادات ردًا على تصريحاته في الساعات الماضية ضد أيمن يونس نجم نادي الزمالك السابق.

وكان أيمن يونس قد طالب مجلس إدارة نادي الزمالك بالاستقالة وأعلن عن تضامنه الكامل مع نجم الفريق محمود شيكابالا في أزمته الحالية، فقام أحمد مرتضى منصور بالرد على نجم الزمالك الكبير وقال له: استقيل ليه يا كابتن أنا واخد بطولات أكثر من حضريتك 10 مرات«.

وكتب أحمد عيد عبدالملك اليوم الأربعاء عبر حسابه الشخصي على موقع «تويتر» ساخراً من حديث أحمد مرتضى منصور ومعددا له البطولات التي حققها:

«البطولات :وقف القيد ..فشل في تجديد عقود نجوم الفريق ..بيع نجوم الفريق ..

بيع أهم لاعب في مركزه بدون نسبة إعادة بيع ورجوعه على المنافس ..

١٠ سنين مخدتش دوري أبطال إلى كابتن أيمن معاه منه ٣ ..

وأبوك إلى بيخوض في أعراض الناس واللاعيبة اللي في النادي ..

فرع ٦ اكتوبر إلى روحت اتصورت جنب الونش وجيت ..

النادي إلى بقي ١٠٠ الف عضوية ومحدش بيعرف يقعد فيه ..

ده حتي فشلت تظبط المنبه تصحي اخوك يدفع غرامة اتشيمبونج وصحيته علشان يتكتك لبابا في الانتخابات..

هو أنت عمرك أخدت قرار أو أي حد معاك يقدر ياخد قرار أنتوا صورة بس !!

ادخل بقي كدة على كلامك ده لكابتن أيمن إلى محدش ينفع يتقارن برباط جزمته ودمه إلى كان بيسيل في الماتشات علشان يعمل تاريخ للنادي وشوف رد فعل الناس لو لقيت ١٠ معاك من الجمهور يبقي انت الكسبان