بهذا الموعد.. علي الحجار يشارك ياسمين علي بحفل غنائي في الأوبرا

يستعد المطرب علي الحجار لـ إحياء حفل غنائي في يوم الجمعة الموافق 18 من شهر أغسطس الجاري، وذلك في دار الأوبرا المصرية بمصاحبة المايسترو هاني حسن.

علي الحجار في الأوبرا

ويشارك علي الحجار في حفله بـ دار الأوبرا المصرية، النجمة الشابة ياسمين علي ومن المقرر إقامة الحفل في مسرح دار اوبرا جامع مصر، وروجت ياسمين علي للحفل عبر حسابها الرسمي بموقع تبادل الصور والفيديوهات انستجرام، حيث قالت: هكون ضيفة حفل روائع علي الحجار بمصاحبة اوركسترا سفنكس السيمفوني بقيادة المايسترو هاني حسن يوم الجمعة 18/8 علي مسرح دار اوبرا جامع مصر.

أزمة علي الحجار ومدحت صالح

من ناحية أخرى، مر علي الحجار بأزمة مع الفنان مدحت صالح وذلك بعد إطلاق الأخير مشروعه الأساتذة، حيث أشار الحجار بأن هذه فكرته منذ فترة طويلة، بينما صرحت زوجته وقالت: أي حد يتخيل نفسه عنده مشروع مهم وبيحضر ليه وقاعد يشتغل عليه طول العمر، وفجاة حد يروح طالع بيه وعايز ينجح بيه واللي حواليه يدعموه بيه.

وأضافت يعني وجع قلبه عنده حق، وهنفضل وراه لغاية ما ياخد حقه، على لا بيخاف من حاجة ولا بيعمل حساب لحاجة إلا لربنا وشغله وضميره، مش هيضر ومش هيأذي، ليه بقول مش هيضر ومش هيأذي، عشان هو بيتأذي دلوقتي، أنا مش عايزة اقول إيه اللي حصل في الحفلة دي، الناس اللي حضرت الحفلة هما اتعذبوا عشان يحجزوا تذكرة الحفلة دي، ولما بدات التذاكر يتم طرحها اتحجزت كلها في ساعتين وبعد كده الحجز اختفى، على بيتعرض لحرب فظيعة، لكن جمهور على الحجار مهما يحصل معاه هتلاقيه بيعمل أي حاجة عشان يوصله، ودي حاجة تطمنا.

تعليق علي الحجار على أزمته مع مدحت صالح

بينما قال علي الحجار: مدحت صالح بالنسبالي فنان كبير ومغني وأنا بحب منه أغاني كتير، لكن فكرة 100 سنة غنا دي فكرتي وهو عارف، ومدحت صالح بيطلع بنفسه في برامج كتير ويقول مدحت صالح أستاذي، وهو عارف مشروعي وواخد المشروع كوبي بيست احنا مش عيال صغيرة عشان تصالحونا على بعض، الموضوع متجاوز أكتر من كدا.