ياسر في دعوى طلاق للضرر: ”مراتي بتكهربني بسلك الغسالة وأنا نايم”
"مراتي بتسيب البيت كله وتحط سلك الغسالة فوق رأسي في أوضة النوم، بتكهربني وأنا نايم".. بهذه العبارات بدأ "ياسر" يروى معاناته مع زوجته بعد قصة حب 4 سنين رغم التزامها الديني وحرصها على إسعاده طوال الوقت وتنفيذ طلباته واحترامه.
بدأ الزوج يروى أمام قاضي محكمة التجمع الخامس معاناته مع زوجته قائلا: "عرفت زوجتي 4 سنين قبل الجواز وعشنا قصة حب انتهت بالجواز.. شوفت فيها أم عيالي اللي هتصون شرفي وتربى ولادي في غيابي، وكانت نعمة الزوجة في حرصها على سعادتي طول الوقت بترعيني و الأهم أنها بتتقي الله فيا وفي تعاملها معايا، بنت أصول وملتزمة دينياََ وعارف يعني ايه تحافظ على جوزها وبيتها".
وتابع الزوج: "بعد فترة لاحظت عادة غريبة فيها جدا وردد بتحط سلك الغسالة فوق رأسي في أوضة النوم على السرير، بقيت أقوم على الكهربا من النوم، وحذرتها أكتر من مرة أنها ما تكرر العادة السيئة دي مرة تانية، لكنها رغم التزامها الديني وتحذيري ليها أكتر من مرة كررت الموضوع، وأقوم كل مرة على كهربتي من سلك الغسالة على السرير، آخر مرة حصل مشاجرة وقعدت تعيط و قالت مش هكررها وخلص الموضوع".
وأكمل الزوج: "في يوم رجعت من الشغل نمت من التعب، قومت على كهربتي من سلك الغسالة للمرة المليون، حصل مشاجرة عنيفة انتهت بأنها رجعت بيت أهلها و لما واجهتها أنكرت تماما أنها بتكهربني بسلك الغسالة وإني آخر مرة كنت هموت فعلا من شدة الصدمة، وأهلها صدقوا بنتهم، حاولت ننفصل بهدوء لكنهم رفضوا".
واختتم الزوج حديثه: "فجأة لقيت الست اللي خططنا حياتنا مع بعض وكنا عايشين أسعد اتنين اتحولت وردد كنت بخرجها كل أسبوع علشان ما تحس بملل و تموتني زي الجرائم اللي بنسمع عنها كل يوم، حياتي في لحظة بقت مستحيلة معاها علشان كدا لجأت للمحكمة وأقمت دعوى طلاق للضرر تحمل رقم 1067 لسنة 2021 ولم يتم الفصل فيها حتى الآن".