زوجة في دعوى خلع:جوزي أمه عودته يفطر في رمضان ”اشتري ليا ملابس داخلية هدية”
"جوزي بيفطر طول شهر رمضان، أمه عودته من طفولته ميصومش، ولما اتخانقت معاه أشتري ليا ملابس داخلية علشان أرجع معاه" بهذه الكلمات لخصت الزوجة الحزينة معاناتها مع زوجها خلال شهر رمضان، و افتعال زوجها المشاكل حتى يفطر في شهر رمضان الكريم.
تروي الزوجة معاناتها :جوزي من يوم ما اتجوزنا مش بيصوم شهر رمضان ورددت بيقولي بدوخ من الصيام، طول الوقت بيحاول يعمل مشاكل معايا علشان ما يصوم شهر رمضان، وحصل بينا مشاجرات كتير جدا بسبب رفضي للموضوع ورددت بقوله شهر رمضان ضيف كل سنة علينا بيقولي ضيف تقيل عليا مش مرحب بيه.
وتابعت الزوجة بعيون منكسرة:لما الموضوع زاد عن الطبيعي، ضغط عليه في الكلام وحكي ليا أنه كان بيتعب نفسيا وجسديا من الصيام، وأمي عودتني أن أفطره من صغري، وكانت الصدمة بالنسبة ليا رده عليا ورددت ازي هقدر أغير من عادة طفولية و أمه اللي بنتها فيه من صغره.
وأكملت الزوجة: مقدرتش استحمل الخناقات اللي بيعملها كل يوم والتاني علشان يفطر في رمضان، وحصل بينا خناقة سبت فيها البيت وقعدت عند أهلي، و المفاجأة أنه جاي يصالحني ورددت أشتري ليا ملابس داخلية رخيصة علشان أروح معاه ويعمل اللي هو عايزه واضرب بكلامي الحائط.
واختتمت الزوجة:مقدرتش استحمل تقلبات مزاجه وفطاره في رمضان كل سنة وأنه أوقات بيخليني أفطر غصب عني بسبب احتياجاته الغريبة في شهر البركة، فقررت أقيم دعوى خلع تحمل رقم 0714 لسنة 2021.