دعاء فاروق لمتابعيها الرجال: ”اللى يدخل يعلق على صورى بطريقة غير لائقة هيتهزأ”
وجهت الإعلامية دعاء فاروق رسالة شديدة اللهجة لمتابعيها من الرجاله عبر صفحتها الخاصة على فيسبوك.
وجاءت رسالة دعاء فاروق كالتالى: صباح الفل عشان نبقي علي نور يا جماعة ومفيش ست تدخل تلاقي جوزها بيتهزأ عندى فتزعل أي راجل هيدخل يعلق بطريقة غير لائقة ويمصمص لي شفايفه علي أي صور لصديقاتي او اخواتي أو صوري أو شكلي الراجل اللي هيفتحها ويبص عليها ويبدأ يلت ويعجن وينظر علي شكل او حجاب او لبس هيتهزأ قدام أمة لا اله الا الله .
وتابعت دعاء فاروق: ملكش حكم غير على أهل بيتك وممنوع تدخل تنطق بحرف لا حلو ولا وحش في الحالتين بعمل بلوك اللي بيتغزل أو بيقول كلام مايع بيتهزأ ويتعمله بلوك زيه زي اللي بينظر ويدخل يحاسبني إني بتاعت البرامج الدينية ويقعد ينظر على شكل أي حد ويخرجنا من منظومة الأخلاق والدين اللي محاوطاه ومحاوطة أهله فقط، الاتنين هيتهزأوا ويتعملهم بلوك.
وأختتمت دعاء فاروق: الراجل اللي هيدخل يقول كلمة مش مظبوطة هشوطه أنا مش بتملق حد ولا يفرق معايا مخلوق تحاسب نفسك الأول على حياتك ونواقصك قبل ما تدخلوا تحاسبوا الناس على حاجة مش من حقكم اللهم بلغت.
