يوسف المنصوري: أرتاح مع أي فنان ”واخد الموضوع لعبة ومش مشدود”
قال المخرج يوسف المنصوري لـ النهار: برتاح مع أي فنان بيتعامل مع التمثيل إنه لعبة ومش مشدود ومتنشن.
وأضاف: المخرج بيحب يتعامل مع الفنان الي بياخذ ويدي و بيستمتع باللعبة، لأن الممثل المتمكن بيطلع تفاصيل ممكن أكون أنا شخصيا كمخرج مجتش في دماغي لكن في نفس الوقت واعي لحدوده كويس و واعي بدور المخرج من دور الممثل وفين دور المؤلف وبالتالي يبدع في إطاره مع احترامه لزمايله.
وتابع: أنا متفائل لأن الإنتاج الدرامي والمسرحي واخد توجه إجتماعي وشكله متوجه إلى السيكو دراما والإثارة، بعد ما طبعا هي الكوميديا من أهم أنواع من أجمل الألوان إللي ممكن تقدم لكن انتشرت في فترة كوميديا شوية من لون معين لم نكن نحب أن يستمر.
وأستكمل: في لون كان انتشر في فترة ما، أعتقد إن ده بدأ ينحصر وبدأت الدراما تتجه لأشكال أكثر أرتيست سواء اجتماعي، سواء لايت حتى أو ساسبينس أو سايكو دراما وده اتجاه كويس جدا على مستوى المسرح ومتفائل جدا من دخول القطاع الخاص في الانتاج المسرحي، ومصر في حالة من النشاط المسرحي هذه الأيام.