جريدة النهار المصرية

فن

نصائح ورسائل تحفيزية من تامر حسني لجمهوره.. تعرف عليها

-

أعلن النجم تامر حسني عن طريقة جديدة للتواصل مع جمهوره عبر مواقع التواصل الاجتماعي.

ونشر تامر حسني عبر حساباته الرسمية على مواقع التواصل الاجتماعي صورة له حملت رسالة إلى جمهوره قال فيها: "إحنا في زمن لو احتجت فيه إيد تدفيك، ابقى أمسك إيدك التانية، إحنا في زمن يلا نفسي، عشان كده معندناش حل غير إن كل واحد فينا ينجح".

وأضاف موضحا الهدف من الطريقة الجديدة لتواصله مع متابعيه: "ان شاء الله كل كام يوم هاجي على بالليل كدا نتناقش في موضوع من خلال مشواري و تجربتي في الحياه ، جايز تستفيدوا منه حاجه و جايز يكون في كتير منكوا هيكون كلامي بمثابة اشاره تشجعهم كانوا.. من خلال خبرتي النجاح بيقوي و يجعل كل من حولك يهتم بك و العكس صحيح و اعني بالنجاح النجاح الانساني في علاقاتك بربنا و الناس .. النجاح المهني و تحقيق ذاتك و طموحك و تحديك لكل الصعاب و تخطيك لكل محنة زي ما عملوا كتير قبلك و ظروفهم كانت اصعب منك و وصلوا لاكبر من احلامهم".

وتابع: "أمانه عليكم محدش يكتبلي عاش و هو دا و تقبر قلبي، انا عايز افتح باب نقاش حقيقي يخليكوا تاخدوا قرارات مهمه في حياتكم او تتشجعوا و تتحمسوا لخطوات ايجابيه. اتكلموا و قولوا اللي جواكم، تفريغ احاسيسكم هنا و اي اسأله جواكم او اي مواقف او حكايات لما تتقال هنا هتبقى اول خطوه للصح، عشان هتتولّد طاقه كبيره للخير شاهد عليها ربنا ف هتكون خير اوي لينا ان شاء الله".