عادل عبد الرحمن: محمد صلاح ثروة قومية وإعلان لمصر.. وعمار حمدى يشبه بركات
أكد عادل عبد الرحمن، نجم الأهلى السابق، أن محمد صلاح نجم ليفربول الإنجليزى أصبح ثروة قومية ويقوم بإعلان لمصر بعدما أصبح أفضل لاعب فى العالم وكل الناس تتحدث عنه.
وقال عادل عبد الرحمن خلال تصريحات له لقناة الأهلى: "محمد صلاح كل أسبوع بيعمل إعلان لمصر، صلاح بقى ثروة قومية، أرجو أن الناس تحافظ عليه شوية، صلاح أفضل لاعب فى العالم، وبيعمل خدمة كبيرة لبلده".
وأضاف نجم الأهلى السابق: "محمد صلاح قبل كدة كان بيجرى كتير أوى جوه الملعب فلما بيوصل للجول كان بيضيع كتير، لكن دلوقتى نضج وبقى يروح على الجول وعنده قوة وطاقة".
وأوضح عادل عبد الرحمن: "النادى الأهلى هو جزء من القوى الناعمة لمصر، بنجاحاته ومشاركاته العالمية، والأهلى أكبر من مجرد ناد رياضي، وبيشتغل لخدمة مصر".
وتابع عادل عبد الرحمن: "كنت بشبه عمار حمدى أول ما شوفته بمحمد بركات، عنده شخصية قوية، وأثبت إنه لاعب كبير، ولو ركب بلغة الكورة مش هينزل تانى".
وأضاف: "دورى الموسم الجديد هيكون فى مفاجآت غير متوقعة بسبب التوقفات الكتير، مش هتخلى الأفضل على طول بيكسب، واكتر اندية هتتعب هى اللى هيبقى عندها لاعيبة كتير فى المنتخب".