اضمن حقك.. تعرف على كل ما يخص إيصال الأمانة

كثير من الأشخاص يتعرضون لأمور مثل التوقيع على إيصالات أمانة لتقسيط سلعة معينه وأشياء أخرى.. وآخرون يضمنون حقوقهم بإمضاء شخص لهم على أيصال لضمان حقهم منه.

لضمان عملية التوقيع على ايصال الامانة بطريقة صحيحة أوضح تامر الباشا المحامى والخبير القانونى الطرق الصحيحة للتوقيع على ايصال الامانة.

تحديد اهم العناصر وفق ترقيم الموضح فى الايصال كما يلي :

1- خانه ١ يتم كتابة اسم الشخص صاحب الشأن "يعني الشخص اللي أخدت منو فلوس أو قسط منو شئ".

٢- خانه ٢ يتم كتابة العنوان بالتفصيل من واقع بطاقه الرقم القومي .

3- خانه ٣ يتم كتابة رقم بطاقته بالكامل " ١٤ رقم ".

4- خانه ٤ يتم كتابة تاريخ صدور البطاقه "عباره عن الشهر والسنة".

5- خانه ٥ يتم كتابة اسم الشخص المدان.

6- خانه ٦ يتم كتابة المبلغ بالارقام ثم بالحروف

7- خانه ٧ يتم كتابة اسم الشخص التابع ليك "اللي المفروض هيستلم الفلوس من الشخص الموقع علي الايصال".

8- خانه ٨ توقيع الشخص رقم ١ اللي استلم منك الفلوس.

خانه ٩ البصمة بتاعت نفس الشخص اللي استلم الفلوس رقم 1.

10- الخطوط الحمراء دي المكان اللي بتقطع منه اصل الايصال عن كعب الايصال رقم ١٠ و"ده المفترض انه بيكون موجود في دفتر ايصالات الامانه زي الشيكات".

ملحوظة :

1/ الافضل تحرير الايصال كله بخط من وقعه.

2/ من الضرورى ملئ الايصال كله في ذات اللحظة كتابته وبنفس القلم "يعني متمضيهوش ايصال علي بياض وتيجي انت تكتب الصُلب بعدها بشهور".

3/ من الضروري تحتفظ بصوره بطاقة الرقم القومي لشخص الموقع علي الايصال.

4/ لو مفيش واقعة تسليم حقيقيه لفلوس وكان الايصال مجرد ضمان لأي معامله فخلي بالك من حاجتين :-

ملحوظات :

اولا : المبلغ الي المكتوب يكون متناسب مع الواقع بقدر الامكان "يعني متكتبش ارقام مبالغ فيها وغير منطقيه يعني مثلا مينفعش راجل عاطل لا يعمل وحالته فقيره يكتب انه سلم شخص مبلغ اتنين مليون عشان يوصلهم لحد ، لان الفكره مش منطقية".

ثانيا : الشخص في الخانه رقم ٧ لابد أن يكون من المنطقي انك ترسل له الفلوس عن طريق شخص الموقع علي الايصال "يعني مينفعش تكتب ان زيد استلم منك خمسين الف عشان يوصلهم لزوجتك المقيمه معاك في نفس المنزل ، لانها فكره غير منطقية".

وأضاف الباشا ان هناك اشخاص تعتقد ان الشخص وقع بالاستلام فبهذا ينتهى الموضوع .

"هقولك لأ مش شرط لان فيه دفع ديما المتهم بيدفع بيه وهو انتفاء ركن التسليم "وده معناه انه بينكر انه استلم منك الفلوس اصلا حتي لو كان وقع علي الايصال وهيقول ان الايصال ده كان ضمان لأي معامله اخري وهيعزز هذا الدفع ضمن ما يعززه بالمنطق مثال:" انه من غير المنطقي ان المتهم اللي من مكان بعيد يستلم منك فلوس عشان يسلمها لزوجتك او ابنك المقيمين معاك في نفس المنزل.

وهناك دفوع أخرى ممكن المتهم يدفع بيها التهمه عن نفسة والمحكمة تحكم ببراءته حتي لو كان الايصال مذيل بتوقيعة.