علاء الدين سويلم يكتب : جريمة عدو و موت جاسوس
جاسوس ،، ( و اكتوبرية )
في عام ٢٠١١ افرجت السجون المصرية بعد سجن (اربعين سنه) عن جاسوس وحثالة مصريه وهو ( وأخجل أن اكتب اسمه ) سيد العطري .
اي عطر سوي الخيانه؟ ...و أي سيد وهو عبد ذليل لعدو منحه مالا ( وانتزع منه انسانيتة ومصريته … )؟
- ايها الشئ تواري ،، واياك ان يُسمع لك صوت ( فما فعلته لاتنظفه مساحيق ومنظفات الارض )..
هذا الشئ تم تجنيده بواسطه الموساد ضمن شبكه للعمل في مصر بعد حرب ١٩٦٧ .
- عارفين الشئ ده مهنته ايه ؟ فلاح ،،
يعني كان يعمل في ارض مصر الطيبه ويأكل من خيرها .
عارفين الشئ ابن الكلب ده بلده ايه ؟
بحر البقر ( وكان فراش مدرسه بحر البقر اللي ذكراها النهاردة وطبعاً لاحس ولا خبر في اي اعلام والعوض علي الله … ) ‼️
- عارفين الشئ ده عمل ايه ؟
ده اللي وضع جهاز التقاط وتوجيه للطائرات الفانتوم اليهودية عام ١٩٧٠ فوق مدرسه في نفس البلد اللي كان عايش فيها ووسط ناسها الشقيانيين وهي بحر البقر ،، هذا الخائن مش باع مصر بس ،،، لا دا باع ناسه وقرايبه و أهله اللي عايشين معاه في نفس القرية .
عارفين جهاز الالتقاط ده كان ليه ؟
علشان طيار عدو في طائره فانتوم واسمه ( آمي حاييم ️) يضرب مدرسه ويموت ٣٠ طفل ويجرح ٥٠ وهي مدرسه صغيره من ٣ فصول .
هان عليه أهله وناسه ويمكن كان واقف بعد المذبحه اللي تسبب فيها ٣ قنابل و٢ صاروخ يلم لحم وكراريس العيال ....
- ايه الغل ده ؟
مدرسه دور واحد تنضرب بالاسلحه دي كلها ؟
--- وتنكر اسرئيل العدو انها ضربت مدرسه ،، بل وتؤكد انها كانت ستار لمخزن ذخيرة للجيش المصري ... وطبعا امريكا في مجلس الامن تدخلت لعدم ادانه ربيبتها .......
::::::: وتدور الايام وتأتي حرب اكتوبر ،، ويتم اسر- نفس الطيار اليهودي آمي حاييم- الذي ضرب مدرسه الشهداء الاطفال .
وشاء الله ان اعرف جزء من اعترافاته و أقواله بعد الآسر ....
واليكم ما أعرف في نقاط ::
️- جولدا مائير هي صاحبه امر التنفيذ وذلك للضغط علي مصر الصامدة علي خط النار .
️- كنا عارفين انها مدرسه للاطفال واردنا توصيل رساله للمصريين أن أطفالكم هم ثمن جديد ستدفعونه
️- جهاز الالتقاط علي المدرسه هو اللي وجه صواريخي وقنابلي ، وعرفت ان اللي ركبه جاسوس مصري .
️- السيده مائير كانت بتكره اي طفل عربي مصري او فلسطيني وبتقول إنهم أعداء لنا بتوع بكره ونفسي الأرض تنشق وتبلعهم .
️- القنابل والصواريخ كانت بزياده علي هدف صغير زي المدرسه أم تلات فصول ، لكن دي التعليمات اللي كانت عندي ،، والغرض كان تحقيق اكبر كم من الموتي .
-- مصر للنضاف واعتذر عن كتابه اسم جاسوس في البوست --
-- ارفعوا ايديكم الي السماء...
واقروا كلمات مقدسه كلِ حسب دينه --
انهم ملائكه صغار وربما يشفعون لنا يوما عند مليك مقتدر ..
تفتكر ياوزير التعليم فيه مدرسه من مدارسك درسها الأول هيكون عن مذبحه بحر البقر حتي ولو على تابلت التعليم الكوروني اللي عن يعد ‼️‼️
اشك وكلي ثقه ( و ياريت يتعلم هو أولا أن أي اسير عبري في الحرب العالميه داخل اي معسكر نازي حتي لو ضابط في المعسكر شخط فيه او نسي يقول له صباح الخير لسه بيندفع تمن أيام الآسر تلك بالمال بل وخصما من كرامه بلد النازي ) ‼️ …
اللي جرا في بحر البقر كان ومازال دماً لا يسقط و لا يجب أن يسقط من ذاكره الأمة بالتقادم …
حاشية
الجاسوس مات ٢٠١٣ من القهره واحتقار الناس له …
توضيح " كاتب المقال من محاربى حرب الشمس أكتوبر 73 برتبة نقيب مهندس دفاع جوى متعه الله بالعفو و العافية "