إعلام بحجم مصر
بقلم : أميرة حسن
كل واحد " دلوقت" جواه صحفى تحت الإنشاء ..، والصحفى ده بدأ يظهر وخصوصا وقت انتشار فيرس الكورونا الحدث الاكبر واللى شاغل العالم كله..الصحفى ده بدأ يكتب ويقول انا موجود وموجود بقوه كمان ومش حسكت وحقدم فكرتى ومقترحاتى وحعرض حلول كمان..وسط غياب لقنواتنا وتليفزيون بلدنا...المواطن العادى عاوز يشوف اعلانات توعيه تليها برامج وقايه وشرح للفيرس وبعديها اخبار صحيحه بعدد الحالات على مستوى العالم والدول المصابه ونسبه الاصابات...المواطن العادى مش عاوز يشوف مسلسلات والاعاده بتاعتها كمان..ولا برنامج يعرض كيفيه تطريز الكمامه للسهرات والحفلات. طب والإشاعات والكلام الكتير والأرقام اللى عمالين نسمعه من ناس غير متخصصة ولا فاهمه ...الحكومه بمؤسساتها اتحركت.. تحركات مؤثره وملحوظه وكلنا حسينا بيها.توجيهات فكل مكان وطبعا كالعاده الجيش كان فالمقدمه وبكل طاقته زى ما اتعودنا... .ارجوكم عاوزين اعلام دوله بحجم مصر عاوزين وعى وثقافه وعلم...دا وقتكم بلاش تسيب مكانك لجاهل يشكل وعى امة .