«خناقة على الهواء» بين أحمد موسى وخالد صلاح
وجه الإعلامي أحمد موسي، تهديد على الهواء، للإعلامي خالد صلاح،بسبب نشره صور فضائح للنائب البرلماني خالد يوسف .
وقال «موسي»، ببرنامج «على مسئوليتي»، على قناة «صدى البلد»،أمس الثلاثاء: «لو فتحتوا النار هفتح، أحمد موسي محدش معلم عليه، والناس اللى بتدعي الشرف يعرفوا حدودهم، أنا عندي أسرار بتفاصيل من زمان سهل أوي أطلعها تكفيني لأسبوع كامل».
وأردف مخاطبًا «صلاح»: «إحنا ملناش مصالح مع حد، وكل الحودايت ممكن تطلع، ولو فتحت هاعور ناس كتير ومش هعملها إلا لما اضطر وهقلب الترابيزة على الكل واللى مشغلهم».
وتابع موجهًا كلامه لخالد صلاح: «أرجوكم أهدوا شوية، عشان ممكن تدفعوا الثمن غالي، لو ببتكلموا عن الشرف الأول شوفوا موقعكم الاول».
بينما انتقد الإعلامي خالد صلاح زميله أحمد موسى ، ووصف أداءه بأنه «منحط ومتدني».
وقال «صلاح»، في برنامجه «آخر النهار»، مساء الثلاثاء: «افتكر يا موسى إنك جيت وعيّطت عشان نخرجك من مشكلتك مع أسامة الغزالي حرب، أرجع لعقلك وأسكت شوية».
وأضاف: «افتكر كمان إننا ما نشرناش ولا قفا من اللي بتاخدهم لحد دلوقتي»، ثم نصحه بأن: «أكبر.. وعد إلى الحق».