النهار
جريدة النهار المصرية

المحافظات

«رجال أعمال الإسكندرية»: المصدرون المصريون يعيشون أزهى عصورهم.. والثقة هي رأس المال الحقيقي

منتدى الإسكندرية للأغذية الزراعية
هالة ياقوت -

أكد المهندس مدحت القاضي، رئيس جمعية رجال أعمال الإسكندرية، أن قطاع التصدير في مصر يعيش حالياً أزهى عصوره، مشيراً إلى أن ما يشهده القطاع من تيسيرات ودعم غير مسبوق، لم يكن متاحاً للمصدرين في العقود الماضية.

*وجاء ذلك خلال منتدى الإسكندرية للأغذية الزراعية "Alexandria Agrifood Forum" - حوار القطاع الخاص بين الاتحاد الأوروبي ومصر، تحت عنوان "التجارة والاستثمار والشراكة"، المنعقد اليوم الأحد 16  بالإسكندرية.

وقال القاضي في تصريحات خاصة: "بصراحة بالنسبة للمصدرين المصريين، أنا شايف ده أزهى عصور مصر في مجال التصدير، لأن زمان كان المصدر آماله وأحلامه قليلة جداً".

واستعاد ذكرياته في بدايات عمله بالموانئ، قائلاً: "أنا لما بدأت أشتغل دخلت الميناء، وكانت كل حاجة في قطاع عام، شركات الشحن قطاع عام، والتدريبات قطاع عام، وكان كل أملنا إن البضاعة ما تترميش من فوق العربية، وأقصى حاجة لما نيجي نشحن جوه المركب كانوا بيدوا العامل جنيه عشان يطلع بالشوز بتاعه عشان ما يدوسش على شوية البطاطس".

وأضاف رئيس جمعية رجال أعمال الإسكندرية: "عايز أقول للناس اللي ما عاصرتش الوقت ده، أي حد بيصدر دلوقتي الموضوع بقى سهل جداً جداً، زمان عشان نصدر كان لازم تبقى مصدر صغير جداً وتعرف تجيب المنتج بصعوبة، لكن دلوقتي مع طرق الإنترنت، سهل جداً تجيب المنتج، وسهل جداً حد يعبي عنك أو يصنع عنك أو يحضر لك، وسهل جداً تروح معرض وتتعرف على عملاء".

وأوضح أن الصعوبة الحقيقية اليوم لم تعد في الإنتاج أو الشحن، وإنما في بناء الثقة، قائلاً: "الصعب هو الثقة مع التجار اللي بيستوردوا مننا، وفي الآخر مع المستهلك، والثقة دي علاقة بالتبادل ما بين اتنين، واحد محتاج الحاجة دي وواحد محتاج يصنعها أو ينتجها".

وأكد القاضي أن الصادرات المصرية نجحت في الحصول على ثقة الأسواق العالمية، وهو ما اعتبره أهم مكسب تحقق خلال السنوات الأخيرة، مشيراً إلى أن القيادة السياسية شجعت على ذلك وساهمت في فتح الأسواق أمام المنتج المصري.

واختتم حديثه برسالة للمصدرين الجدد: "المصدر النهاردة عنده كل الإمكانيات، المستوردين معروفين، والحكومة بتساعد ومستعدة، والفرصة موجودة للي عايز يشتغل بجد".