حاجة عازلة بيني وبين الدنيا..فيدرا توجه رسالة مؤثرة عقب مشاركتها بجنازة ياسمين ابنة نجلاء فتحي

وجهت الفنانة "فيدرا "رسالة مؤثرة لمتابعيها عبر التواصل الإجتماعي وذلك عقب مشاركة بجنازة  ياسمين أبو النجا، نجلة الفنانة المعتزلة نجلاء فتحي،  والتي رحلت عن عالمنا إثر أزمة قلبية . 

فكتبت" فيدرا" عبر صفحتها الرسمية على موقع التواصل الإجتماعي فيسبوك،  وقالت:" الشيء الوحيد اللي بفكر فيه دلوقتي إني عايزة النهارده يخلص. عايزة الليل ييجي. عايزة أنام وأصحى بكرة، وساعتها النهارده مايبقاش موجود، مش عايزة النهارده يفضل. عايزاه يخلص. عايزة أبدأ يوم جديد ماحسش فيه بالإحساس ده" . 

وأكملت فيدرا قائلة :" عندي إحساس غريب أوي، مش عارفة أوصفه بالكلام، بس أنا عارفة إن الإحساس الغريب ده مش إحساس كويس. خرجت من جنازة ياسمين وروحت البيت، ومش حاسة إني طبيعية. ولا حاجة في النهارده طبيعية. ولا حاجة من اللي حصل إمبارح بالليل طبيعية". 

وأشارت الفنانة في المنشور قائلة : " حاسة إني عايزة كل ده يخلص، غريب أوي إزاي حد يكون موجود وفجأة مايبقاش موجود. مش موجود بشكل نهائي، حاسة إن في حاجة عازلة بيني وبين الدنيا… زي الحجاب. حيطه. الدنيا بعيده. الإحساس غريب أوي". 

وأختتمت الفنانة فيدرا وقالت: " أنا عديت على موت كتير، وجنازات كتير، وناس كانوا أقرب لي بكتير. لكن النهارده بالذات غريب جدًا. حاجة مختلفة تمامًا، أنا بس عايزة النهارده يخلص. عايزة أنام، وأصحى بكرة، وأكون خلصت من اليوم ده".