محمد هاني بعد خوضه المباراة 403 مع الأهلي: حلم الطفولة تحقق وأطمح لـ 500 لقاء

كشف محمد هاني ظهير أيمن الفريق الأول لكرة القدم بالنادي الأهلي، سبب احتفاله بالمباراة الـ 403 مع الأهلي عقب الفوز على فريق زد ضمن منافسات الدوري الممتاز.

ورد هاني على تساؤلات أحد الجماهير بشأن اختيار المباراة رقم 403 مع الأهلي للاحتفال بها، حيث كتب عبر حسابه على موقع فيس بوك: أنا وصلت لـ 400 مباراة آخر الموسم اللي فات لكن وقتها النتائج مكنتش في صالحنا، والفريق هو الأهم مش أي إنجاز شخصي.

ووجه محمد هاني رسالة إلى الجماهير خلال احتفاله بوصوله إلى المباراة 403 مع الأهلي، قائلا: من وأنا صغير كان حلم من أحلامي إني أشوف لاعيبة الأهلي وأبقى واحد منهم، روحت النادي الأهلي وأنا عندي 9 سنين ومن ساعتها وأنا بحلم باللحظة دي، ووصلت للفريق الأول، وكان نفسي بس ألعب ولو ماتش واحد والنهاردة أنا لعبت 403 ماتش، وبقيت جزء من تاريخ النادي زي ما هو تاريخي كله.

وواصل محمد هاني: كنت نفسي احتفل معاكم بالإنجاز ده السنة اللي فاتت بس النتائج وقتها ماكنتش في صالحنا، النهارده وصلت لـ403 ماتش في مسيرتي مع الأهلي، وده كان واحد من أهدافي اللي كنت بحلم أحققها.. بس الحلم مابيوقفش هنا، الهدف الجديد إني أوصل لـ 500 ماتش في البيت اللي اتربيت فيه وأبقى أكتر لاعب في تاريخ النادي يحقق بطولات، وأفضل أساعد الأهلي حتى لو بحاجة بسيطة.

واختتم محمد هاني رسالته: شكرًا لجمهور الأهلي اللي كان دايمًا سند ليا وساعدني أوصل للحظة دي، وشكرًا لإدارة النادي على دعمها المستمر، وشكرًا لزمايلي.. من غيركم عمري ما كنت هاوصل للرقم ده.