طبيبة ”أسنان شبرا”: جبت اخويا عشان يحميني اتضربت أنا وهو

حصلت جريدة "النهار" على نص تحقيقات النيابة العامة في القضية رقم 17337 لسنة 2026 جنح ثان شبرا الخيمة و المعروفة إعلاميًا "طبيبة أسنان شبرا" في خناقة المركز الطبي بالكابلات.

وروت "سارة عوض" طبيبة الأسنان أمام جهات التحقيق بنيابة شبرا الخيمة ثان، كواليس ما جري داخل المركزي الطبي بالكابلات، وتفاصيل التعدي عليها من قبل أسرة إحدى المرضي بسبب خلاف بينهما على خلع "ضرس".

س: ما هو طبيعة عملك واختصاصك الوظيفي؟

ج أنا طبيب أسنان ممارس عام اخصائي

س: ومنذ متى وانت تباشرين ذلك الاختصاص ؟

ج: أنا اتخرجت سنة 2017 من جامعة عين شمس

س: وأين تحديدا تباشرين مهام أعمالك ؟

ج: أنا معينة من وزارة الصحة على الدرجة الثالثة وتعيني في المركز الطبي بالكابلات - قسم ثان شبرا الخيمة

م: ومنذ متى وانت تباشرين عملك بالمركز الف البيان تحديداً ؟

ج: من 2019 وانا في المركز ده بس رحت سنة في صحة نوبار ٢٠٢٥ ورجعت تاني الكابلات في شهر ديسمبر.

س : ما هي تفصيلات حدوث الواقعة و إحدث إصابتك؟

ج: اللي حصل إن أنا رحت المركز مكان شغلي زي أي يوم طبيعي، وكنت متواجدة في عيادة الاسنان في المركز، وساعتها دخلت بنتين منتقيين العيادة وكانت واحدة عايزة تخلع "ضرس" وتقديرا مني عشان لابسه نقاب أنا بادرت باستقبال الحالة عشان اللي كان متاح ساعتها كان أثنين دكاترة رجالة، وفعلا خلعتها الضرس الأول وريتهولها وحطيته على الاستاند جنبي والضرس الثاني خلصته ووريتهولها برضه وريته ورميت الضرسين في صندوق مخلفات الطبية الأمن، وده الإجراء السليم لمنع انتشار العدوى، وساعتها المريضة واختها اتعصبوا جدا وكانوا عايزين الضرسين وأنا حاولت افهمهم أن مينفعش يخدوا و الضرسين وهما كانوا متعصبين أوي اني رميته منغير ما استأذنهم".

وتابعت الطبيبة في الأقوال: "معرفتش اتناقش معاهم ووجهتهم للدكتور عبد الله عشان يحاول يقنعهم هو، وخرجوله ورفضوا برضو و حاول يفهمهم بس هم مقتنعوش وساعتها دخلولي العيادة ثاني وابتدى النقاش يحدّ من طرفهم وشتموني ساعتها فأنا قولت لهم اطلعوا بره، و فضلت اللي خلعتلها الضرس تشتم هي واختها ويتنمروا عليا، وانا خرجت وسيبتهم وقعدت في مكتب الإستقبال في عيادة الأسنان جنب زمايلي وهم خرجوا ورايا وفضلوا يشتموني وأنا ساعتها قولت لهم اطلعوا بره، و واحدة فيهم طلعت الموبايل وبدأت تصورني وتهددني".

وأوضحت الطبيبة:" أنا ساعتها رشيت مياه من ازازة كانت معايا على الموبايل عشان متصور نيش، وهي لفت قربتلي أكثر وبتحط الموبايل في وشي عشان تصورني، رحت أنا خدت شنطني اللي كانت على المكتب وحاولت اخبطك الموبايل عشان اوقعة ومتصورش، وبعدها هم الاثنين مسكوني وضربوني وسحلوني في الأرض والتمريض أتدخل واخدوني من وسطهم ودخلوني مكتب المديرة وقفلوا عليا و وهما وخارجين قعدوا يشتموني ويقوله إحنا هنجبلك رجالة".

وأكدت الطبيبة في الأقوال:" بعدها كلمت أخويا إسلام عشان خفت من التهديد وكنت عايزاه يجي يروحني عشان محدش يعملي حاجة وأنا مروحة وعشان كنت متبهدلة من ضربهم، وبعد حوالي 10 دقائق أخويا جه ودخل مكتب المديرة اللي أنا فيه وسألني على اللي حصل وأنا لسه بحكيله، لقيت البنتين جم ومعاهم راجل ملتحي، واتنين شباب، اقتحموا مكتب المديرة اللي أنا وأخويا قاعدين فيه وبيشوروا عليا وهجموا عليا وأخويا ساعتها قام يحوش اللي جاي يضربني، وفي لحظتها الشاب الثاني مسكوني انا واخويا وفضلوا يضربوا فينا ضرب هستيري وواحد فيهم كان معاه مقص وفضل يضربني بالمقص وفضلوا يرموا كراسي علينا وكسروا المكتب".

وأشار الطبية في أقوالها :"واللي كانت لابسا نقاب اسود فتحت زجاجة مياه وفضلت تدلقها عليا وهم بيضربوني وكل اللي كانوا في مكتب المديرة طلعوا يجروا بره وساعتها إسلام فضل يحاول يبعدهم، وناس من بره دخلت عشان تخرجهم وفعلا كانوا بدأوا يخرجوا بس مرة واحدة زقوا الناس اللي كانت بتخرجهم وبيلفوا عشان يدخلوا تاني راح اخويا فضل يرمي اللي كان ادامه عشان يبعدهم عن الباب ويحمينا منهم، وساعتها رمى مج تقريبا جه في واحدة من الإثنين البنات وساعتها الراجل الملتحي والانتين شباب كسروا باب المديرة وخدوا منه جزء حديد وقعدوا يكسروا فيا أنا وأخويا.

س: متى وأين حدث ذلك ؟

ج: الكلام ده حصل ٢٠٢٦/٦/٢٤ الساعة ١٢:٠٠ مساء تقريبا في المركز الطبي بالكابلات - الكابلات - قسم ثان شبرا الخيمة - القليوبية

س: وما سبب ومناسبة تواجدك في الزمان والمكان سالفي المذكر تحديداً ؟

ج انا كنت بباشر عملي كطبيبة اسنان بالمركز

س: وما هي علاقتك بالمتهمين "خديجة أشرف "و"فاطمة أشرف" تحديداً وهل من ثمة خلافات سابقة فيما بينكم؟

ج: أنا معرفش حد فيهم تماما و كنت أول مرة أشوفهم في العيادة عشان خديجة تخلع ضروسها ومفيش أي خلافات بينا.

س: وما هي بادرة لقائك بالمتهمين تحديداً ؟

ج: انا كنت في استقبال عيادة الاسنان في المركز وهم جم عشان خديجة كانت عايزة تخلع ضرسين

س: وما سبب استقبالك انت من ضمن المتواجدين الحالة المتهمة خديجة ؟

ج: هوا أنا وأسماء لم بيكون في حالة منتقبة بنراعي ده ونحترم خصوصيتها في إن ميكشفش عليها راجل، وأسماء مبتعرفش تخلع الضروس العلوية وخديجة كانت عايز تخلع ضرس علوي، وسفلي فأنا عرضت على أسماء وهي قلقت وأنا اخدت الحالة.

س: وهل كنت متضرره بأي صورة من الصور من قيامك باستقبال الحالة سالفة الذكر ؟

ج: لا بالعكس دي كانت أول حالة اشتغلها من أول اليوم ومكنتش بعمل حاجة.

من: وما هي طريقة استقبالك للحالة تحديدا؟

ج: أنا أول لم دخلت العيادة من مكتب الاستقبال كانت بتشرب عصير واستنيتها لم تخالص وكنت بتعامل معاها بأسلوب كويس جداً عشان كان شكلها بنت كويسة وفضلنا نهزر وندردش شويا عشان أنا كمان مركبة تقويم زيها وفضلوا يسألوني على شوية حجات والنقاش كان كويس.

س: وكم عدد الضروس التي قمت بخلعها للمتهمة آنذاك ؟

ج اثنين

س: وهل قمت بإطلاع المتهمة على الضروس عقب خلعهم ؟

ج: أيوه أنا بخلع واحطه قدام المريض يشوفه وارميه في صندوق المخلفات الطبية.