لهذا السبب ..تامر حسنى يناشد وزارة المصرية للتدخل وحسم الجدل ” تفاصيل ”
ناشد النجم" تامر حسني" وزارة الصحة المصرية والسكان المصرية، وكبار الأطباء المتخصصين، لتقديم توعية شاملة نحو أنظمة الغذاء المفيدة في ظل وجود جدل الفترة الحالية حول صحة وضرر بعض الأطعمة والأنظمة الغذائية
فكتبت تامر منشور عبر صفحته الرسمية علي موقع التواصل الإجتماعي فيسبوك، وقال: " في ظل الفتنة الغذائية اللي حاصلة في مصر وحديث كل الناس دلوقتي عن إيه المفيد لينا وإيه المضر هل ممكن أناشد وزارة الصحة المصرية وكبار الدكاترة المختصة وأصحاب المستشفيات بردود كافية فيها شرح مفصل عن إيه الأكل المفيد لينا وإيه اللي مش مفيد وياريت يكون شرح مفصل يفهمه الشخص العادي من غير أي مصطلحات طبية أجنبية؟؟؟" .
وأكمل تامر وقال: " أولاً _الخضار أمثال الخس والجرجير و ورق العنب وكل الورقيات مفيدة ولا لأ وإزاي نطمن إنها مش مرشوشة مواد تمرض النا
ثانياً_البيض والفراخ اللي في بلدنا ناكله إزاي وإزاي نميز ونطمن إنه مش محقون وإزاي نعرفه لو محقون
ثالثاً_شرب المية بكثرة كما تعلمنا مفيد ولا لأ..
رابعاً_ الحليب مضر ولا كويس وإيه الصح اللي نشربه
خامساً_ الأدوية لازم تتاخد ولا مش لازم ولا مش أي أدوية تتاخد!!!" .
وطالب "تامر " خلال منشوره بتدخل وزارة الصحة المصرية فقال:" أناشد وزارتنا المصرية تعملنا ڤيديوهات حد يطلع يكلمنا بالعامية ويرد بالتفصيل وبالأدلة العلمية على كل ده وياريت يساعدني صديقي المحترم الأستاذ الفاضل أيمن عباس بما إنه صاحب أكبر المستشفيات ياريت يطلعلنا دكاترة من عنده مختصة يعملوا ڤيديوهات ترد على كل اللي حاصل في مجتمعنا وبناشد برضو الدكتور العظيم .
وأشار" تامر حسني" خلال منشوره لبعض الحلول ، قائلا: " مجدي يعقوب يدينا من خبرته العظيمة والدكتور الكبير حسام موافي ويساعدونا الفترة دي كشعب ويريحونا من الجدل الفظيع ده…
لأن محدش بقى عارف ياكل إيه ومياكلش إيه وثوابت كتير اتغيرت بين يوم وليلة، أرجوكوا متسيبوناش كده لا إحنا ولا ولادنا" .
وأختتم تامر حديثه: " وارجع وأقول محتاجين حد يكلمنا بطريقة بسيطة عامية يشرح فيها بالتفصيل وبالأدلة إيه غلط وإيه صح وأنا ليه بقول محتاجين أكتر من جهة تتكلم!!؟ عشان كلنا نطابق الكلام ببعضه مع المنطق ونحكم صح، وشكراً" .