الفن بينقل من الواقع مش بيسبقه .. محمد صلاح العزب يرد علي منتقدى” سفاح التجمع” قبل عرضه

خرج السيناريست والمخرج محمد صلاح عزب، مؤلف فيلم "سفاح التجمع" ليرد على حالة الجدل التي أُثيرت مؤخرًا حول فكرة فيلم " سفاح التجمع "، والذى من المقرر طرحه بدور العرض السينمائي خلال موسم عيد الفطر المبارك،

فكتب العزب عبر صفحته الرسمية علي موقع التواصل الإجتماعي فيسبوك، قائلا: " مع كامل الاحترام لكل الآراء طبعا بس الناس اللي معترضة على وجود عمل فني اسمه سفاح التجمع، وبيقولوا هو ليه وإزاي وإيه الفايدة إننا نعمل فيلم عن شخصية سفاح؟!".

وأكمل السيناريست والمخرج، فقال : " هو ده أول فيلم في التاريخ يتعمل عن شخصية إجرامية؟ فمستغربين ومندهشين جدا؟ ، عمركم ما سمعتوا عن آلاف الآفلام والمسلسلات في تاريخ السينما والمسرح والتلفزيون والمنصات عن مجرمين؟!
ولا كل مرة هتستغربوا وتندهشوا نفس الاندهاش؟!" .

وقال العزب في منشوره: " الكلام بتاع ما تعملوا عن شخصيات تاريخية ولا علماء ولا شخصيات مفيدة، طب ما هو برضه ده بيتعمل بشكل دوري، وغالبا ما بيلاقيش نجاح ولا رواج جماهيري، بما يعني إنكم مبتتفرجوش على الأعمال دي أصلا.
وفكرة إن لما المشاهدين يشوفوا السفاح في فيلم الناس كلها هتتحول سفاحين عشان يقلدوه، ده برضه منطق غريب، ما طول الوقت الأعمال الفنية بتعرض مجرمين وقتلة وسفاحين ودكاترة وظباط ومحامين وسواقين أوبر وعادي، جمعية ودايرة، والمشاهد مش بالسذاجة إنه كل ما هيشوف شخصية هيقلدها" .

وأختتم السيناريست محمد صلاح العزب ، فقال: " والمفاجأة إن الفن بينقل من الواقع مش بيسبقه، وفي المجمل إحنا بناخد نماذج حقيقية وإحنا اللي بنقلدها مش هم اللي بيقدونا.
قليل من المنطق، حياكم الله، وإن شاء الله المشروع القادم هعمل فيلم عن الدكتور مجدي يعقوب أطال الله في عمره، كل سنة وأصحاب كل الآراء طيبين وسعداء، ودمتم سالمين" .

فيلم" سفاح التجمع " ، من تأليف وإخراج محمد صلاح العزب، وإنتاج أحمد السبكي، ومن المقرر طرحه ضمن أفلام موسم عيد الفطر المبارك.

ويشارك في بطولة الفيلم عدد من الفنانين، بينهم أحمد الفيشاوي، انتصار، جيسيكا حسام الدين، مريم الجندي، سينتيا خليفة، وصابرين" .