محمود حجازي يهاجم زوجته ويتهمها بادعاء مرض نجلهما الصغير: إنتي إزاي أم؟
وجه الفنان محمود حجازي رسالة جديدة لـ زوجته “رنا طارق”، مستنكرًا من ادعائها بحسب وصفه مرض نجلهما خلال استضافتها في أحد اللقاءات التلفزيونية حيث قالت إنها مصاب بالتوحد.
وكتب محمود حجازي عبر حسابه بموقع إنستجرام: "قولوا عليا اللي أنتم حابينه مش فارق معايا.. أكيد ربنا هيعوضني وعشان أملك أقوى رد بالإثباتات مش من وحي خيال المؤلف بس ساكت عشان راجل وعشان ابني يوسف !!!! وهنا الموضوع راح في مكان تاني ابني يوسف !!! ازاي أم بتتدعي مرض لابنها وبتتكلم عليه كده على القنوات هو ده طبيعي؟ الولد لسه لم يتجاوز السنة ونص " ولم يشخص بعد " وإني أنا متاكد أنه كويس وزي الفل ازاي تقول عليه كده كل ده عشان تكسبي تعاطف الناس؟!
وأضاف محمود حجازي: “تفتكري حد احترمك؟ تفتكري صعبتي علي حد ؟ أنتي كده كده خسرانة وأولهم ابنك لما يكبر ويشوف ويسمع الكلام ده منك عليه.. وسيبك مني أنا.. قولي عليا اللي أنتي عايزاه وعندك أفلام كتير ممكن تأليفها وأنا موافق وراجل ومستحمل وأقدر أشيل أكتر كمان وده اللي انتي مش عارفاه عشان أنا متربي على طبلية أبويا وتعبت على نفسي وبحترم نفسي قبل ما احترم الناس إنما يوسف لاااااا لحد هنا ولازم تقفي وتسكتي بقي وتراعي ربنا قبل ما نشوف فيكي عقابه”.
وأكمل: "بجد اني كده أم ؟ هو فيه أم مثبت بالختم على باسبورها إنها كانت بعيدة عن حضن ابنها ما يعادل ٦ شهور في اول عام لابنها في الدنيا وتسيبه وهو عنده 4 شهور عشان تنزل تحضر مهرجانات مع جوزها ؟ وبعد كده تسيبه تاني بالأسابيع عشان أفراح بنات صاحبها وبعد كده عشان الساحل ومراسي إنت إزاي أم بجد ؟ أكيد يوسف فرق معاه الموضوع ده ولا وجود أب محروم منه ولا أم مش فارق معاها وزعلانة وبتعملي كل ده عشان منع السفر !!وَاتَّقُوا يَوْمًا تُرْجَعُونَ فِيهِ إِلَى اللَّهِ